పిట్టకథేం కాదు..పెద్ద కథే వుంది

భవ్య లాంటి పెద్ద సంస్థ చిన్న సినిమా చేస్తోంది అంటే ఏదో విషయం వుండాలి అనే అనుమానం వస్తుంది. ఆ సంస్థ నుంచి వస్తున్న చిన్న సినిమా ''ఓ పిట్ట కథ''. విశ్వాంత్, సంజయ్ రావ్, నిత్య శెట్టి లాంటి చిన్న నటులు నటించిన ఈ చిన్న సినిమా టీజర్ ను సూపర్ స్టార్ మహేష్ బాబు విడుదల చేసారు. టీజర్ చూసాక తెలుస్తోంది. పేరుకు ఓ పిట్టకథే కానీ సినిమాలో విషయం పెద్దదే వుందని.

ఓ అమాకయపు పల్లెటూరి ముక్కోణపు ప్రేమ, కానీ అంతలోనే అమ్మాయి మాయం,  పిట్టకథలోని ప్రేమ కథ కాస్తా, థ్రిల్లర్ స్టోరీగా మారిపోవడం. అక్కడి నుంచి ఇన్వెస్టిగేషన్ దారి పట్టడం అన్నది టీజర్ లో చూపించేసారు. ఆ విధంగా పేరుకే తమది పిట్టకథ కానీ, సినిమాలో పెద్ద కథే వుందని చెప్పకనే చెప్పారు.

కొత్త దర్వకుడు చందు ముద్దు అందించిన కథ, కథనాలతో భవ్య సంస్థ ఈ సినిమాను నిర్మించింది. నటుడు బ్రహ్మాజీ కుమారుడు సంజయ్ రావు ఓ హీరోగా నటించగా, తోలు బోమ్మలాట, మనమంతా, కేరింత లాంటి సినిమాల్లో విశ్వంత్ మరో హీరోగా నటించాడు. ఈ సినిమా మార్చిలో జనం ముందుకు వస్తుంది.