Epaper
కాన్స్ చిత్రోత్సవంలో అదరగొడుతోంది పూజా హెగ్డే. రెడ్ కార్పెట్ పై హొయలు ఒలికించడంతో పాటు.. రకరకాల ఫొటో షూట్స్ తో ఎట్రాక్ట్ చేస్తోంది. ఇందులో భాగంగా సాగర తీరంలో వైట్ డ్రెస్ తో ఈమె చేసిన ఫొటో షూట్ అందర్నీ ఆకట్టుకుంది. ఈ ఫొటో షూట్ లో ఆమె వేసుకున్న వైట్ కలర్ డ్రెస్ పై ఇప్పుడు సోషల్ మీడియాలో ఆసక్తికర చర్చ సాగుతోంది.
కాన్స్ ఫెస్టివల్ లో భాగంగా పూజా వేసుకున్న ఈ వైట్ డ్రస్ ఖరీదు అక్షరాలా లక్షా 15వేల రూపాయలు. చూడ్డానికి చాలా సింపుల్ గా కనిపిస్తున్న ఈ డ్రెస్ వెనక చాలా పెద్ద కథ ఉందంటున్నాడు ఆస్ట్రేలియాకు చెందిన డిజైనర్ టోనీ మేటిసెవ్ స్కీ. ఈ డ్రెస్ వేలాడినట్టు కనిపించదట.
ఓవైపు బాడీకి అతుక్కుపోయినట్టు కనిపిస్తూనే, మరోవైపు ఎద, మెడ భాగలో పెర్ ఫెక్ట్ డిజైనింగ్ ఇస్తుందట. అందుకే దీనికి ఇంత రేటు అంటున్నాడు. ఈ డ్రెస్ వేసుకుంటే జ్యూవెలరీ ఖర్చు ఉండదు. సింపుల్ గా ఇయర్ రింగ్స్ పెట్టుకుంటే సరిపోతుందంటున్నాడు.
ఈ తెల్లటి దుస్తులతో, సాగరతీరంలో మెరిసింది పూజాహెగ్డే. అలా కాన్స్ లో తన టూర్ పూర్తి చేసుకున్న ఈ ముద్దుగుమ్మ ఇండియాకు బయల్దేరింది. తిరిగి తన సినిమాలతో బిజీ అవ్వబోతోంది.
మరికొన్ని రోజుల్లో సల్మాన్ ఖాన్ తో కలిసి చేస్తున్న సినిమాకు సంబంధించి కొత్త షెడ్యూల్ ప్రారంభించబోతోంది పూజ. సర్కస్ సినిమా ప్రమోషన్ కూడా మొదలుపెట్టబోతోంది. వీటితో పాటు మహేష్ బాబు-త్రివిక్రమ్ సినిమాకు కూడా కాల్షీట్లు కేటాయించింది ఈ బుట్టబొమ్మ.