Epaper
'రాగల 24 గంటల్లో..' సినిమాలో హీరోయిన్ దే ప్రధాన పాత్ర అని, ఆ పాత్రకు ముందుగా అనుష్క, కాజల్ లను పరిగణనలోకి తీసుకున్నట్టుగా ఈ సినిమా రూపకర్తలు చెబుతున్నారు. అనుష్క, కాజల్ లతో పాటు రెజీనా కు కూడా ఈ కథను వినిపించారట!
వివిధ కారణలతో వారిని ఈ సినిమాలో నటింపజేయలేకపోయినట్టుగా వారు చెబుతున్నారు. చివరు ఈషా రెబ్బ ఈ సినిమాలో నటించారని వివరిస్తున్నారు. ఈ రోజే ఈ సినిమా విడుదల. ఈ సినిమాతో తను మళ్లీ ఫామ్ లోకి వస్తానని శ్రీనివాసరెడ్డి కూడా ప్రకటించుకున్నారు.
'ఢమరుకం' తర్వాత 'హలో బ్రదర్' రీమేక్ ప్రాజెక్టుపై కొన్ని నెలల పాటు వర్క్ చేసినట్టుగా చెప్పారు. ఆ తర్వాత నాగ చైతన్యను హీరోగా పెట్టి మరో కథ కోసం మరి కొన్ని నెలలు పని చేసినట్టుగా చెప్పారు. చివరకు ఆ ప్రాజెక్టులు వర్కవుట్ కాకపోవడంతో 'మామ మంచు అల్లుడు కంచు' సినిమాను రూపొందిచినట్టుగా చెప్పారు. ఆ సినిమా జస్ట్ యావరేజ్ స్థాయిలో ఆడింది.
కామెడీ సినిమాలతో ఇది వరకూ శ్రీనివాస రెడ్డి ఒక సెక్టార్ ప్రేక్షకులను ఆకట్టుకోగలిగాడు. మరి తొలి సారి హారర్- థ్రిల్లర్ జోనర్ సినిమాతో ఆయన ఏ మేరకు ఆకట్టుకోగలరో మరి కొన్ని గంటల్లోనే తెలిసిపోతుంది!