Epaper
ప్రభాస్ హీరోగా నటిస్తున్న రాధేశ్యామ్ సినిమాకు సంబంధించి మొన్నటివరకు ఓ డైలమా కొనసాగిన విషయాన్ని గ్రేట్ ఆంధ్ర గతంలోనే వెల్లడించింది. ఈ సినిమాకు సంబంధించి మిగిలిన ఒక్క పాటను షూట్ చేయాలా వద్దా అనే విషయంపై నార్త్ డిస్ట్రిబ్యూటర్లు, నిర్మాతలకు మధ్య చిన్నపాటి డిస్కషన్ నడిచింది. ఎట్టకేలకు ఈ డిస్కషన్ లో నార్త్ బయ్యర్లే విజయం సాధించారు.
రాధేశ్యామ్ సినిమాకు సంబంధించి ప్రభాస్-పూజాహెగ్డే మధ్య ఓ సాంగ్ బ్యాలెన్స్ ఉంది. దాన్ని వదిలేసి, ప్యాచ్ వర్క్ పూర్తిచేసి గుమ్మడికాయ కొట్టేద్దామని యూనిట్ భావించింది.
ఇప్పటికే బడ్జెట్ తడిసి మోపెడవ్వడంతో ఈ నిర్ణయం తీసుకున్నారు. అయితే మిగిలిన ఆ ఒక్క పాట పెట్టడం వల్ల సినిమాకు ఉత్తరాదిన మైలేజీ పెరుగుతుందని, పెట్టాల్సిందేనంటూ టి-సిరీస్ పట్టుబట్టింది.
కొన్నాళ్ల పాటు సాగిన ఈ చర్చకు ఎట్టకేలకు తెరపడింది. మిగిలిన ఆ ఒక్క పాటను కూడా షూట్ చేయాలని యూనిట్ నిర్ణయించింది.
సినిమాకు సంబంధించి 8-10 రోజుల షూటింగ్ (పాటతో కలిపి) పెండింగ్ ఉంది. ఆ షూట్ పూర్తిచేసే లోపే సెకండ్ వేవ్ వచ్చింది. పరిస్థితులు అనుకూలిస్తే, వచ్చే నెల మూడోవారానికి ఆ పెండింగ్ పార్ట్ పూర్తిచేయాలని అనుకుంటున్నారు. మరోవైపు సినిమాకు సంబంధించి పోస్ట్ ప్రొడక్షన్ వర్క్ దాదాపు కొలిక్కి వచ్చేసింది.