పెద్ద ‘ఆట’ మొదలైంది

ఇప్పటివరకు చాలా స్పోర్ట్స్ డ్రామాలు చూశాం. కానీ ఇది వాటన్నింటికంటే భిన్నమైంది అంటున్నాడు దర్శకుడు బుచ్చిబాబు. రామ్ చరణ్ హీరోగా రూరల్ బ్యాక్ డ్రాప్ లో ఓ క్రీడానేపథ్యంలో ఓ సినిమాను బుచ్చి ప్రారంభించిన సంగతి తెలిసిందే.

చాన్నాళ్ల కిందటే ఈ సినిమాకు కొబ్బరికాయ కొట్టారు. అయితే రెగ్యులర్ షూటింగ్ మొదలుపెట్టడానికి గేమ్ ఛేంజర్ అడ్డొచ్చింది. ఆ తర్వాత మేకోవర్ కోసం చరణ్ ఇంకొన్నాళ్లు టైమ్ తీసుకోవాల్సి వచ్చింది. ఎట్టకేలకు సినిమా షూటింగ్ మొదలైంది.

మైసూర్ లో రామ్ చరణ్ కొత్త సినిమా ఫస్ట్ షెడ్యూల్ ప్రారంభమైంది. షూటింగ్ కు ముందు దర్శకుడు ప్రసిద్ధ చాముండేశ్వరి అమ్మవారి ఆలయాన్ని సందర్శించాడు. ఆ వెంటనే ఫస్ట్ షాట్ షూట్ జరిగింది.

ఈ సినిమాలో రామ్ చరణ్ సరసన జాన్వి కపూర్ హీరోయిన్ గా నటిస్తోంది. శివరాజ్ కుమార్ ఓ కీలక పాత్రలో నటిస్తుండగా, మరో కీలక పాత్ర కోసం తాజాగా జగపతిబాబును తీసుకున్నారు. ఉప్పెన తర్వాత బుచ్చిబాబు నుంచి వస్తున్న మూవీ ఇదే.