రెమ్యూనరేషన్ రెట్టింపు చేసిన హీరోయిన్?

అందానికి అదృష్టం తోడైతే ఎలా ఉంటుంది? హీరోయిన్ శ్రీలీల ను చూస్తే అర్థమౌతుంది. చేసింది ఒక్క సినిమా. కానీ వరుస ఆఫర్లతో దూసుకుపోతోంది ఈ ముద్దుగుమ్మ. అదే ఊపులో ఇప్పుడీ అమ్మాయి తన పారితోషికాన్ని రెట్టింపు చేసింది.

మైనింగ్ కింగ్ గాలి జనార్థన్ రెడ్డి తన తనయుడ్ని హీరోగా పరిచయం చేస్తున్నాడు. గాలి జనార్థన్ రెడ్డి కొడుకు కిరిటీని, నిర్మాత సాయి కొర్రపాటి హీరోగా పరిచయం చేసే బాధ్యతను తీసుకున్నాడు. శివరాత్రి సందర్భంగా ఈ సినిమాను అధికారికంగా ప్రకటించారు. ఇప్పుడీ మూవీలో హీరోయిన్ గా శ్రీలీలను తీసుకున్నారు.

ఈ మూవీ కోసం శ్రీలల తన రెమ్యూనరేషన్ ను డబుల్ చేసినట్టు తెలుస్తోంది. అడిగినంత ఇవ్వడానికి అంతా సిద్ధంగా ఉండడంతో, శ్రీలీల పారితోషికం అవలీలగా రెట్టింపు అయింది.

ప్రస్తుతం ఈ ముద్దుగుమ్మ రవితేజ సరసన ధమాకా అనే సినిమాలో నటిస్తోంది. ఈ మూవీ తర్వాత సాయి కొర్రపాటి సినిమాను స్టార్ట్ చేస్తుంది. ఈ సినిమాతో పాటు ఆమె చేతిలో మరో 3 మూవీస్ కూడా రెడీగా ఉన్నాయి. వీటిలో ఒక్క సినిమా హిట్టయినా, శ్రీలీల రేంజ్ మారిపోతుంది.