cloudfront

Advertisement

Advertisement


Home > Movies - Movie News

ఆ హీరో సినిమా డైరక్ట్ ఓటీటీ రిలీజ్

ఆ హీరో సినిమా డైరక్ట్ ఓటీటీ రిలీజ్

థర్డ్ వేవ్ మొదలైంది. సినిమాలకు మరోసారి కష్టకాలం మొదలైంది. ఇప్పటికే పెద్ద సినిమాలు వాయిదా పడగా.. చిన్న సినిమాలు ఓటీటీ వైపు చూస్తున్నాయి. ఈ క్రమంలో సుమంత్ హీరోగా నటించిన ఓ సినిమా నేరుగా ఓటీటీలో స్ట్రీమింగ్ కు రాబోతోంది. ఆ సినిమా పేరు 'మళ్లీ మొదలైంది'.

సుమంత్, నైనా గంగూలీ హీరోహీరోయిన్లుగా నటించిన సినిమా ఇది. పెళ్లి, విడాకులు, మళ్లీ పెళ్లి లాంటి అంశాల చుట్టూ తిరిగే కథ. ఈ సినిమాతో కీర్తికుమార్ దర్శకుడిగా పరిచయమౌతున్నాడు. రెడ్ సినిమాస్ బ్యానర్ పై రాజశేఖర్ రెడ్డి నిర్మించిన ఈ సినిమా ఇప్పుడు నేరుగా ఓటీటీలో స్ట్రీమింగ్ కు రాబోతోంది.

ఈ సినిమా హక్కుల్ని జీ గ్రూప్ దక్కించుకుంది. మరో నెల రోజుల్లో జీ5లో స్ట్రీమింగ్ కు పెట్టబోతోంది. అనూప్ రూబెన్స్ ఈ సినిమాకు సంగీతం అందించాడు. సినిమా టీజర్ కు ఇప్పటికే మంచి రెస్పాన్స్ వచ్చింది.

'మళ్లీ రావా' తర్వాత మళ్లీ సరైన సక్సెస్ అందుకోలేకపోయాడు సుమంత్. సుబ్రమణ్యపురం, ఇదమ్ జగత్, కపటధారి లాంటి సినిమాలు చేసినా కలిసిరాలేదు. ఇప్పుడు 'మళ్లీ మొదలైంది' సినిమాపై ఈ హీరో చాలా హోప్స్ పెట్టుకున్నాడు. తనకు విడాకులిప్పించిన లేడీ లాయర్ తోనే హీరో ప్రేమలో పడడం లాంటి డిఫరెంట్ కాన్సెప్ట్ ఏదో ఇందులో చూపించినట్టున్నారు.

రమ్యకృష్ణ గారికి వయస్సు ఏమిటి?

హను రాఘవపూడి చాలా కష్ట పెడతాడు