డైరక్టర్ అతడే.. సీక్వెల్ మాత్రం కాదు

సూర్య మరోసారి దర్శకుడు హరితో చేతులు కలిపాడు. దీంతో అంతా షాక్ అయ్యారు. కొంపదీసి మరోసారి సింగం సీక్వెల్ వస్తుందా అని టెన్షన్ పడ్డారు. కానీ ఎలాంటి అనుమానాలు, భయాలు అక్కర్లేదని స్పష్టంచేశాడు సూర్య. దర్శకుడు హరితో ఓ కొత్త కథను పట్టాలపైకి తీసుకొస్తున్నాడు.

సూర్య కెరీర్ లోనే విలక్షణం సింగం సిరీస్. అటు దర్శకుడు హరికి పేరుతో పాటు సూర్యకు మాస్ ఇమేజ్ తెచ్చిపెట్టిన సినిమాలవి. అయితే ఎప్పుడైతే సింగం-3 సూపర్ ఫ్లాప్ అయిందో అప్పుడే ఆ సిరీస్ పై అందరికీ మొహం మొత్తింది. ఇలాంటి టైమ్ లో ఆ దర్శకుడితో సూర్య మరో సినిమా ఎనౌన్స్ చేసిన వెంటనే అంతా అవాక్కయ్యారు. కానీ అది సింగం సిరీస్ కాదని స్టుడియో గ్రీన్ క్లారిటీ ఇచ్చింది.

ఏప్రిల్ నుంచి హరి-సూర్య కాంబినేషన్ సెట్స్ పైకి వెళ్తుంది. దీపావళి కానుకగా సినిమాను విడుదల చేయబోతున్నట్టు అధికారిక ప్రకటన వచ్చేసింది. ఈ సినిమాలో మరో కొత్త మాస్ అవతారంలో సూర్య కనిపించబోతున్నాడు. ఈ సినిమా పేరు అరువ. ఇమ్మాన్ ను సంగీత దర్శకుడిగా ప్రకటించారు.

ప్రస్తుతం సుధా కొంగర దర్శకత్వంలో ఆకాశం నీ హద్దురా అనే సినిమా చేస్తున్నాడు సూర్య. ఈ మూవీ విడుదలకు సిద్ధమైంది. అది ఇలా రిలీజ్ అవ్వడం, హరి సినిమా స్టార్ట్ అవ్వడం వెంటనే జరుగుతాయి.

‘మెగాస్టార్ ది లెజెండ్’ పుస్తకావిష్కరణ

నాన్ను బే అంటావా.. అవును అంటాను బే ..