Epaper
లెక్కప్రకారం పొంగల్ కు రావాలనుకున్నారు. ఆల్రెడీ డిస్ట్రిబ్యూటర్లకు సమాచారం కూడా ఇచ్చేశారు. కానీ ఉన్నఫలంగా ఇప్పుడు విడుదల తేదీ మార్చేశారు. చియాన్ విక్రమ్ హీరోగా నటిస్తున్న తంగలాన్ సినిమాను పొంగల్ రేసు నుంచి తప్పించి, రిపబ్లిక్ డేకు షిఫ్ట్ చేశారు. ఈ సినిమా జనవరి 26న వరల్డ్ వైడ్ రిలీజ్ అవుతోంది.
ఈ పొంగల్ కి తమిళనాట లాల్ సలామ్ సినిమా రిలీజ్ ఉంది. ఇందులో రజనీకాంత్ గెస్ట్ రోల్ కంటే కాస్త పెద్ద పాత్ర పోషించారు. రజనీ కూతురు ఈ సినిమాకు దర్శకురాలు. ఈ సినిమాకు పోటీగా తంగలాన్ రిలీజ్ అవుతుందని భావించారు. అయితే కర్నాటక, ఆంధ్రప్రదేశ్ లో పండగ తేదీలు ఖాళీగా లేవు. మరీ ముఖ్యంగా టాలీవుడ్ లో గట్టిపోటీ నెలకొంది.
దీంతో పాన్ ఇండియా రిలీజ్ కోసం తంగలాన్ ను వాయిదా వేశారు. విక్రమ్ ఈ సినిమాలో డిఫరెంట్ గెటప్ లో కనిపిస్తున్నాడు. 1870ల నాటి కథతో తెరకెక్కుతున్న ఈ సినిమా పా రంజిత్ దర్శకుడు.
ఈ సినిమా సెట్స్ లోనే ఓ ఫైటింగ్ సీక్వెన్స్ తీవ్రంగా గాయపడ్డాడు విక్రమ్. అతడి పక్కటెముకులకు తీవ్ర గాయాలయ్యాయి. చికిత్స తీసుకొని, కొన్నాళ్లు రెస్ట్ తీసుకొని, తిరిగి తంగలాన్ సెట్స్ లో జాయిన్ అయ్యాడు విక్రమ్. అందుకే ఈ సినిమా విడుదల ఆలస్యమైంది. మాళవిక మోహనన్ హీరోయిన్ గా నటించిన ఈ సినిమాకు జీవి ప్రకాష్ కుమార్ సంగీతం అందిస్తున్నాడు.
అయితే ప్రస్తుతానికి ఈ సినిమాకు సంబంధించి లో-ప్రొఫైల్ మెయింటైన్ చేస్తున్నారు. ఎందుకుంటే, ఈ సినిమా కంటే ముందు విక్రమ్ నటించిన ధృవనక్షత్రం విడుదలకాబోతోంది. ఈ సినిమా థియేటర్లలోకి వచ్చిన తర్వాత, తంగలాన్ ప్రచారాన్ని అధికారికంగా ప్రారంభిస్తారు.