తిరుమ‌ల శ్రీ‌వారికి డీకే మ‌నవ‌రాలు బంగారు కానుక‌

తిరుమ‌ల శ్రీ‌వారికి టీటీడీ మాజీ చైర్మ‌న్ దివంగ‌త డీకే ఆదికేశ‌వులునాయుడు మ‌న‌వ‌రాలు, జ‌న‌సేన నాయ‌కురాలు చైత‌న్య బంగారు కానుక బ‌హూక‌రించారు. టీటీడీ చైర్మ‌న్ బీఆర్ నాయుడు చేతుల మీదుగా కానుకను ఆమె అంద‌జేశారు. వ‌జ్రాలు పొదిగిన స్వ‌ర్ణ వైజ‌యంతీ మాల‌ను ఆమె ఆంద‌జేశారు.

ఈ మాల‌ను ఉత్స‌వ‌మూర్తుల‌కు అలంక‌రించ‌నున్నారు. ఎన్నిక‌ల్లో పిఠాపురంలో ప‌వ‌న్‌క‌ల్యాణ్ గెలుపు కోసం చైత‌న్య విస్తృతంగా ప్ర‌చారం చేశారు. అలాగే ఆర్థికంగా కూడా అండ‌గా నిలిచారు. ఉమ్మ‌డి చిత్తూరు జిల్లాకు చెందిన రాజ‌కీయాల‌పై ఆస‌క్తితో జ‌న‌సేన‌లో చేరారు. ఆ పార్టీ బ‌లోపేతం కోసం త‌న వంతు కృషి చేశారు.

ప్ర‌స్తుతం ఆమె తుడా చైర్మ‌న్ రేస్‌లో ఉన్నారు. త‌న‌కు తుడా చైర్మ‌న్ ప‌ద‌వి ఇస్తామ‌ని సీఎం చంద్ర‌బాబు, డిప్యూటీ సీఎం ప‌వ‌న్‌క‌ల్యాణ్ హామీ ఇచ్చిన‌ట్టు స‌న్నిహితుల వ‌ద్ద ఆమె చెబుతున్నారు. నామినేటెడ్ పోస్టుల్లో తుడా చైర్మ‌న్ ప‌ద‌విని ఇంకా ప్ర‌క‌టించ‌లేదు. తుడా చైర్మ‌న్ అయిన వారు టీటీడీ ఎక్స్ అఫీషియో మెంబ‌ర్ కూడా అవుతారు. అందుకే తుడా చైర్మ‌న్ ప‌ద‌వికి బాగా డిమాండ్ వుంది. తుడా చైర్మ‌న్ రేస్‌లో చైత‌న్య ఏ మేర‌కు విజ‌యం సాధిస్తారో చూడాలి.