సీతారాం ఏచూరిది హ‌త్య‌!

సీపీఎం జాతీయ ప్ర‌ధాన కార్య‌ద‌ర్శి సీతారాం ఏచూరిది హ‌త్య అని కాంగ్రెస్ సీనియ‌ర్ నాయ‌కుడు, మాజీ ఎంపీ చింతా మోహ‌న్ సంచ‌ల‌న ఆరోప‌ణ చేశారు. తిరుప‌తిలో శ‌నివారం ఆయ‌న మీడియాతో మాట్లాడుతూ ఏచూరి చిన్న అనారోగ్యంతో బాధ‌ప‌డుతూ ఎయిమ్స్‌లో చేరార‌న్నారు. అయితే ఆ అనారోగ్యానికి ఏచూరి చ‌నిపోయే అవ‌కాశ‌మే లేద‌ని ఒక డాక్ట‌ర్‌గా తాను చెబుతున్న‌ట్టు చింతా సంచ‌ల‌న ఆరోప‌ణ చేశారు.

సీతారాం ఏచూరిని జాతీయ అధికారి పార్టీ హ‌త్య చేయించింద‌ని ఆయ‌న ఆరోపించ‌డం తీవ్ర చ‌ర్చ‌నీయాంశ‌మైంది. బీజేపీ రోజురోజుకూ బ‌ల‌హీన‌ప‌డుతోంద‌ని, విప‌క్షాల్ని ఏకం చేసే ఏకైక నాయ‌కుడు ఏచూరి కావ‌డం వ‌ల్లే ఆయ‌న్ను అంతం చేశార‌ని ఆయ‌న ఆరోపించ‌డం గ‌మ‌నార్హం.

జాతీయ రాజ‌కీయ నాయ‌కుడైన ఏచూరికి ప్ర‌త్యేక గ‌ది ఇవ్వ‌లేద‌న్నారు. స్వైన్‌ప్లూ సోకిన రోగికి ప‌క్క‌నే ఏచూరికి ప‌డ‌క ఎలా కేటాయిస్తార‌ని ఆయ‌న నిల‌దీశారు. ఇదంతా కుట్ర‌పూరితంగా జ‌రిగింద‌ని చింతా ఆరోపించారు. ఏచూరి మృతిపై సీబీఐతో విచార‌ణ చేయించాల‌ని ఆయ‌న డిమాండ్ చేశారు.

ఇటీవ‌ల ఏచూరి మృతి చెందిన సంగ‌తి తెలిసిందే. ఆయ‌న భౌతిక‌కాయాన్ని వైద్య విద్యార్థుల ప‌రిశోధ‌న కోసం దానం చేశారు. ఏచూరిని చంపార‌నే మాజీ ఎంపీ ఆరోప‌ణ‌లతో దేశం ఒక్క‌సారిగా ఉలిక్కి ప‌డింది. ఏదో ఒక సంచ‌ల‌న, వివాదాస్ప‌ద కామెంట్ చేయ‌డం చింతా మోహ‌న్‌కు అల‌వాటే. చింతా ఆరోప‌ణ‌ల‌పై సీపీఎం ఎలా స్పందిస్తుంద‌నేది ఆస‌క్తిక‌రంగా మారింది. ఏచూరి మృతిపై సీపీఎం కాకుండా, కాంగ్రెస్ సీనియ‌ర్ నాయ‌కుడు చేయ‌డం చ‌ర్చ‌నీయాంశ‌మైంది.