Epaper
రోడ్డు ప్ర‌మాదంలో గాయాల‌పాలైన యువ హీరో సాయిధరమ్ తేజ్ త్వరగా కోలుకోవాలని సినీ, పొలిటిక‌ల్ సెల‌బ్రిటీల‌తో పాటు సామాన్య ప్ర‌జ‌లు కోరుకుంటున్నారు. సాయిధరమ్ తేజ్ ప్ర‌మాదానికి గురయ్యార‌నే స‌మాచారం తెలుగు స‌మాజాన్ని షాక్‌కు గురి చేసింది.
ఆయన ఆరోగ్య ప‌రిస్థితిలో మీడియాలో విభిన్న క‌థ‌నాలు వ‌స్తుండ‌డంతో అభిమానుల్లో ఆందోళ‌న నెల‌కుంది. ప్రాణాపాయం లేద‌ని కుటుంబ స‌భ్యులు చెప్ప‌డంతో అభిమానులు ఊపిరి పీల్చుకున్నారు.
ఇదిలా వుండ‌గా సాయిధరమ్ తేజ్ త్వరగా కోలుకోవాలంటూ వైసీపీ రాజ్య‌స‌భ స‌భ్యుడు విజయసాయిరెడ్డి ఆకాంక్షించారు. ఈ మేర‌కు ఆయన ట్వీట్ చేశారు.
‘యువ హీరో సాయిధరమ్ తేజ్ కోలుకోవాలని మనస్ఫూర్తిగా కోరుకుంటున్నాను. అపోలో ఆస్పత్రిలో ఆయన కోలుకుంటు న్నారు. హెల్మెట్ ధరించడం సంతోషకరం. యువత బైక్‌పై వెళ్తున్నప్పుడు స్పీడ్ తగ్గించుకోవాలి’ అని విజయసాయిరెడ్డి విజ్ఞప్తి చేయ‌డం గ‌మ‌నార్హం.
సాయిధరమ్ తేజ్ త్వరగా కోలుకోవాలని సినీ హీరోలు జూనియర్ ఎన్టీఆర్, రవితేజ, ఏఐసీసీ అధికార ప్రతినిధి దాసోజు శ్రవణ్ త‌దిత‌ర ప్ర‌ముఖులు ట్వీట్లు చేశారు. అంద‌రి ఆశీస్సుల‌తో సాయిధ‌ర‌మ్‌తేజ్ త్వరగా కోలుకుని వ‌స్తార‌ని ఆశిద్దాం.