పవన్-త్రివిక్రమ్ సినిమా.. ఇది ఏ నవల?

మరోసారి కుటుంబ బంధాలు, బాంధవ్యాలు నేపథ్యంలో సినిమా తెరకెక్కిస్తున్నాడు త్రివిక్రమ్. అత్తారింటికి దారేది, సన్నాఫ్ సత్యమూర్తి, అ..ఆ తరహాలోనే ఇది కూడా కంప్లీట్ కుటుంబ కథా చిత్రం. పవన్ కల్యాణ్ హీరోగా నటిస్తున్న ఈ సినిమా ప్రస్తుతం సెట్స్ పై ఉంది. మూవీలో రెండో తల్లికి కొడుకుగా పవన్ కల్యాణ్ కనిపించబోతున్నాడనే రూమర్ చాన్నాళ్లుగా ప్రచారంలో ఉంది. దీనికి తోడు కొత్తగా ఇప్పుడు మరో రూమర్ మొదలైంది. పవన్-త్రివిక్రమ్ సినిమా ఓ పాత హిట్ నవల ఆధారంగా రాబోతోందట.

ఈ పుకారు రావడానికి ఓ కారణం కూడా ఉంది. ఇంతకుముందు త్రివిక్రమ్ తెరకెక్కించిన అ..ఆ సినిమా ఓ హిట్ నవల ఆధారంగానే వచ్చింది. ఈ విషయాన్ని మేకర్స్ ఎక్కడా అధికారికంగా చెప్పలేదు కానీ యద్దనపూడి సులోచనరాణి రాసిన మీన అనే నవలలోని సన్నివేశాలు, పాత్రల ఛాయలు చాలానే కనిపిస్తాయి అ..ఆ సినిమాలో. రిలీజైన తర్వాత ఆ విషయాన్ని త్రివిక్రమ్ కూడా అంగీకరించాడు.

సో.. ఇప్పుడు పవన్ సినిమాకు కూడా ఓ పాత నవల నుంచి స్ఫూర్తి పొంది కథ రాసుకున్నాడని టాక్. మరోవైపు పవన్ క్యారెక్టర్  ఏంటనే విషయంపై కూడా లీకులు రావడంతో చాలామంది అది ఏ నవల అయి ఉంటుందా అని ఆరాలు తీస్తున్నారు.