సూపర్ స్టార్ పై సూర్య ఫ్యాన్స్ ఆగ్రహం

కొన్ని రోజుల కిందటి సంగతి. రజనీకాంత్ నటించిన ‘వేట్టయన్’ సినిమా రిలీజైంది. నిజానికి ఆ తేదీ రజనీకాంత్ ది కాదు. ఆ డేట్ కు తన ‘కంగువా’ సినిమాను రిలీజ్ చేయాలనుకున్నాడు సూర్య. కానీ సూపర్ స్టార్ అడిగేసరికి కాదనలేకపోయాడు.

కట్ చేస్తే, ఇప్పుడు ‘కంగువా’ రిలీజ్ కు రెడీ అయింది. తాజాగా పెద్ద ఫంక్షన్ కూడా చేశారు. తన కోసం సినిమా వాయిదా వేసుకున్నారు కాబట్టి, ఈ వేడుకకు రజనీకాంత్ వస్తారని అంతా భావించారు. కానీ సూపర్ స్టార్ రాలేదు. అదే సూర్య ఫ్యాన్స్ కు ఆగ్రహాన్ని తెప్పించింది.

ఇండియాలో వన్ అండ్ ఓన్లీ సూపర్ స్టార్ రజనీకాంత్ అంటూ ఓవైపు సూర్య జాతీయ స్థాయిలో ఎలివేషన్స్ ఇస్తుంటే, రజనీ మాత్రం ఆహ్వానించిన తర్వాత కూడా రాకపోవడం ఏం బాగాలేదంటున్నారు సూర్య ఫ్యాన్స్.

అయితే రజనీకాంత్ రాకపోయినా సూర్య కోసం వీడియో సందేశం పంపించారు. సూర్యతో పాటు కంగువా యూనిట్ మొత్తానికి శుభాకాంక్షలు తెలిపారు. ఈ సందర్భంగా ఆసక్తికర వ్యాఖ్యలు చేశారు రజినీ.

దర్శకుడు శివతో అన్నాత్తై సినిమా చేస్తున్నప్పుడు, తనకోసం ఏదైనా మంచి హిస్టారికల్ స్టోరీ రాయాలని దర్శకుడికి సూచించారట రజినీ. తను చెప్పినట్టుగానే శివ మంచి హిస్టారికల్ పీరియాడిక్ స్టోరీ రాశాడని, కానీ అది తనతో కాకుండా సూర్యతో చేసినట్టున్నాడని కంగువాను ఉద్దేశించి అన్నారు.