ప్రేమలో రామ్ చరణ్ హీరోయిన్

షాజన్ పదామ్సీ.. ఈ పేరు చెబితే చాలామంది గుర్తుపట్టకపోవచ్చు. ఎందుకంటే, చాలా ఏళ్లయింది. అదే ఆరెంజ్ సినిమా హీరోయిన్ అంటే ఇట్టే గుర్తుపడతారు. అవును.. ఆరెంజ్ సినిమాలో రామ్ చరణ్ ప్రేయసిగా నటించిన షాజన్, మరోసారి వార్తల్లోకెక్కింది.

37 ఏళ్ల ఈ ముద్దుగుమ్మ ఇప్పుడు ప్రేమలో పడింది. తన లవ్ మేటర్ బయటపెట్టింది. మూవీ మ్యాక్స్ సినిమా ఛెయిన్ సీఈవో ఆశిష్ కనాకియాతో ఈమె దాదాపు మూడేళ్లుగా డేటింగ్ చేస్తోంది.

రీసెంట్ గా ఆశిష్ ఆమెకు ప్రపోజ్ చేశాడు. చేతికి రింగ్ తొడిగాడు. ఆ మూమెంట్ ను బయటపెట్టింది షాజన్. ఇకపై కలకాలం నీతోనే అంటూ ఓ క్యాప్షన్ పెట్టి మరీ ఫొటోస్ రిలీజ్ చేసింది.

తెలుగులో ఆరెంజ్ సినిమాతో పాపులరైంది షాజన్. ఆ సినిమా ఫ్లాప్ అవ్వడం, ఆమె కెరీర్ కు పెద్ద దెబ్బ. ఆ తర్వాత రామ్ సరసన ‘మసాలా’ సినిమా చేసినా వర్కవుట్ కాలేదు. అలా టాలీవుడ్ కు దూరమైన ఈ ముద్దుగుమ్మ.. ప్రస్తుతం హిందీలో టీవీ డ్రామాస్ చేస్తోంది.

ఏమాటకామాట 37 ఏళ్లొచ్చినా ఆమె ఇప్పటికీ అంతే గ్లామరస్ గా ఉంది. అయితే ఆమె ప్రియుడు, షాజన్ కంటే చిన్నోడిలా కనిపిస్తున్నాడంటూ కామెంట్స్ పడుతున్నాయి.