ఎట్టకేలకు మాస్ పోస్టర్.. మాస్ అప్ డేట్

గేమ్ ఛేంజర్.. ఈ పేరు చెప్పగానే క్లాస్ గా ఉండే రామ్ చరణ్ గుర్తొస్తాడు. ప్రభుత్వ అధికారి పాత్రలో అతడి క్లాస్ లుక్ మాత్రమే ఇన్నాళ్లూ చూశాం. దీంతో అభిమానుల్లో ఎక్కడో ఏదో వెలితి. ఇప్పుడది తీరిపోయింది.

గేమ్ ఛేంజర్ నుంచి మాస్ పోస్టర్ వచ్చేసింది. నల్ల బనియన్, గళ్ల లుంగీ కట్టిన రామ్ చరణ్ పోస్టర్ రిలీజైంది. కేవలం మాస్ పోస్టర్ మాత్రమే కాదు, మాస్ అప్ డేట్ కూడా ఉంది. మెగాభిమానులు ఎప్పుడెప్పుడా అని ఎదురుచూస్తున్న టీజర్ వచ్చేస్తోంది. నవంబర్ 9, టీజర్ రిలీజ్.

తను మాస్ సినిమా చేసి చాలా రోజులైంది. ఏళ్ల గ్యాప్ తర్వాత తను చేస్తున్న మాస్ సినిమాగా గేమ్ ఛేంజర్ ను చెప్పుకొచ్చాడు దర్శకుడు శంకర్. అయితే ఆ మాస్ ఛాయలేవీ ఇప్పటివరకు కనిపించలేదు. తాజా పోస్టర్ తో రామ్ చరణ్ తనలోని మరో షేడ్ కూడా చూపించినట్టయింది.

గేమ్ ఛేంజర్ ప్రచారం ఆల్రెడీ మొదలైంది. పాటలు రిలీజ్ అవుతున్నాయి. టీజర్ విడుదలతో ఈ సినిమా ప్రమోషన్ పీక్ స్టేజ్ కు చేరబోతోంది. నవంబర్ లోనే మిగిలిన పాటల్ని కూడా విడుదల చేసి, డిసెంబర్ మొత్తం గ్రౌండ్ ఈవెంట్స్ కు కేటాయించారు.

సంక్రాంతి కానుకగా జనవరి 10న రిలీజ్ అవుతోంది గేమ్ ఛేంజర్. కియరా అద్వానీ హీరోయిన్ గా నటిస్తున్న ఈ సినిమాకు తమన్ సంగీతం అందిస్తున్నాడు.