బ్రహ్మచారి విశ్వక్ సేన్

విశ్వక్ సేన్ బ్రహ్మచారి అనే విషయం అందరికీ తెలిసిందే. బ్యాచిలర్ లైఫ్ వదిలేయడానికి అతడికింకా చాలా టైమ్ కూడా ఉంది. అయితే ఇప్పుడు మనం చెప్పుకోబోయేది అది కాదు. బ్రహ్మచారి సినిమాకు విశ్వక్ సేన్ కు లింక్ ఉంది.

“నాకు, అనుదీప్ కు ఇష్టమైన సినిమా బ్రహ్మచారి. కమల్ హాసన్ నటించిన ఆ సినిమా గురించి మేమిద్దరం చాలాసార్లు మాట్లాడుకున్నాం. అప్పటికి మేం కలిసి సినిమా చేస్తామని కూడా అనుకోలేదు. జస్ట్ ఫేవరెట్ సినిమాల గురించి మాట్లాడుకున్న టైమ్ అది. ఇప్పుడు ఇద్దరం కలిసి ఆల్ మోస్ట్ ఆ జానర్ లోకి ఎంటర్ అవ్వాలని చూస్తున్నాం.”

విశ్వక్ నుంచి ఫన్ మూవీ వచ్చి చాన్నాళ్లయింది. ‘ఈ నగరానికి ఏమైంది’లో జోక్ చేయడు కానీ నవ్వొస్తుంది. ‘అశోకవనంలో అర్జునకల్యాణం’ సినిమాలో హీరో ట్రాజెడీ ఆడియన్స్ కు కామెడీగా మారింది.

అయితే అనుదీప్ సినిమాలో మాత్రం విశ్వక్, ఔట్ అడ్ ఔట్ కామెడీ చేయబోతున్నాడట. అలా ఈ సినిమాతో ఫుల్ లెంగ్త్ కామెడీ జానర్ లోకి కూడా అడుగుపెడుతున్నాడు. అయితే ‘హిట్’ తర్వాత మరోసారి థ్రిల్లర్ లోకి ఎంటర్ అవ్వడానికి మాత్రం ఈ హీరో ఆసక్తి చూపించడం లేదు.