పవన్ సినిమాలు పూర్తిచేయగలడా?

పవన్ కల్యాణ్ ఫిట్ నెస్ పై అనుమానాలు రేకెత్తుతున్నాయి. ఎప్పటికప్పుడు ఆయన అనారోగ్యం పాలవుతున్నాడు. ఈ ఫిట్ నెస్ తో ఆయన సినిమాలు పూర్తిచేయగలడా అనే డౌట్స్ మొదలయ్యాయి.

ఒకటి కాదు, రెండు కాదు, పవన్ చేతిలో ఏకంగా 3 సినిమాలున్నాయి. వీటిలో హరిహర వీరమల్లు సినిమా ఆల్రెడీ సెట్స్ పై ఉంది. పవన్ కు అనుకూలంగా ఉండేందుకు ఈ సినిమా షెడ్యూల్ ను విజయవాడలోనే పెట్టుకున్నారు.

అంతా ఓకే అనుకున్న టైమ్ లో పవన్ ఇలా మినిమం గ్యాప్స్ లో అస్వస్థతకు గురవుతున్నాడు. మొన్నటికిమొన్న తిరుపతి మెట్లు ఎక్కడానికి అపసోపాలు పడ్డారు. తాజాగా మరోసారి ఆయన జ్వరం, వెన్నునొప్పితో బాధపడుతున్నట్టు తెలుస్తోంది.

ఈ ఆరోగ్య సమస్యలతో ఆయన తన తొలి ప్రాధాన్యమైన రాజకీయాలకే సమయం కేటాయించలేకపోతున్నారు. క్యాబినెట్ భేటికి కూడా వెళ్లలేదు. ఇలాంటి టైమ్ లో ఆయన సినిమాలు ఎలా పూర్తిచేస్తారనేది ప్రశ్నార్థకం.

హరిహర వీరమల్లు పూర్తిచేయాలి. ఆ తర్వాత ఓజీకి కాల్షీట్లు ఇవ్వాలి. హరిహర వీరమల్లు పార్ట్-1కు సంబంధించి ఇదే చివరి షెడ్యూల్ అంటున్నారు. ఇక ఓజీకి సంబంధించి కూడా ఒక షెడ్యూల్ మాత్రమే పెండింగ్.

కాబట్టి వాటిని ఎలాగోలా పవన్ పూర్తిచేయొచ్చు. ఎటొచ్చి ఉస్తాద్ భగత్ సింగ్ సినిమాతోనే సమస్య. ఆ సినిమాకు పవన్ భారీగా కాల్షీట్లు కేటాయించాల్సి ఉంది. ఎందుకంటే, ఇప్పటివరకు జరిగింది కేవలం ఒక షెడ్యూల్ మాత్రమే.

పవన్ ఇలా ఎప్పటికప్పుడు మంచాన పడుతుంటే, ఆయన రాజకీయ కార్యక్రమాలు రద్దవ్వడమే కాదు.. సినిమా షూటింగ్స్ కూడా లేట్ అవుతాయి.