నాని సినిమా మల్టీ స్టారర్ నా?

హీరో నాని ఫ్యాన్స్ క్రేజీగా ఎదురుచూస్తున్న సినిమా ఒకటి వుంది. హిట్ 3, దసరా దర్శకుడి సినిమా రెండు లైన్ లో వున్నాయి. వాటికి వుండే క్రేజ్ వాటికి వుంది. కానీ వీటికి మించిన ఆసక్తి జనరేట్ చేసే సినిమా మరోటి వుంది. అదే ఓజి దర్శకుడు సుజిత్ సినిమా. ఈ సినిమాకు నిర్మాత వెంకట్ బోయనపల్లి. నాని ప్రస్తుతం చేయాల్సిన రెండు సినిమాలు అయ్యాక సుజిత్ సినిమా వుంటుంది. ప్రస్తుతం స్క్రిప్ట్ వర్క్ జరుగుతోంది.

ఈ సినిమాకు సంబంధించి ఇంకో విశేషం ఏమిటంటే ఈ సినిమాలో హీరో పాత్రతో పాటు మరో కీలకపాత్ర వుంటుందని తెలుస్తోంది. దాదాపు హీరోతో సమానమైన పాత్ర. ఈ పాత్రకు కూడా హీరో పాత్రలు చేసే నటుడే కావాలి. అది ఏ భాష నటుడు అయినా. అంటే ఒక విధంగా మల్టీ స్టారర్ అన్నమాట. ప్రయోగాలు చేయడానికి నాని ముందు వుంటారు. తన పాత్రను మించిన పాత్ర సినిమాలో వున్నా నాని ఏమీ ఫీల్ అవరు.

సరిపోదా శనివారం సినిమాలో సూర్య పాత్రకు ఎంత పేరు వచ్చిందో తెలిసిందే. ఇప్పుడు ఓజి దర్శకుడు సుజిత్ సినిమాలో మరో హీరోను తీసుకోవడానికి నాని జంకరు. అయితే అది తెలుగు హీరోనా, మరే భాష నటుడిని అయినా తీసుకువస్తారా అన్నది చూడాలి. సాధారణంగా రెండో ఆప్షన్ నే ఎక్కువ వుంటుంది. ఎందుకంటే రెండు భాషలకు చెందిన ఇద్దరు కీలక నటులు వుంటే మార్కెట్ తీరు వేరుగా వుంటుంది కనుక. ఎవరిని తీసుకుంటారో వేచి చూడాల్సిందే.