Epaper
మొత్తానికి బాలయ్య బర్త్ డే ఓ విషయాన్ని స్ఫష్టం చేసింది. బాలయ్య వారసుడిగా మోక్షజ్ఞ సినిమా రంగ ప్రవేశం వుండే అవకాశం లేదని క్లారిటీ వచ్చేసింది. బాలయ్య బర్త్ డే ఫొటోల్లో మోక్షజ్ఞ ఫొటోలు చూసిన వారు, అతనిలో హీరో మెటీరియల్ వున్నట్లు అస్సలు అనిపించడం లేదని కామెంట్ చేస్తున్నారు. పైగా బాగా బొద్దుగా కనిపిస్తున్నాడు. భయంకరంగా ఎక్సర్ సైజ్ లు గట్రా చేసి, ఫేస్ ను, శరీరాకృతిని పూర్తిగా మార్చుకుంటే తప్ప, సినిమా హీరో సీన్ రాదని అర్థం అయిపోతోంది.
పైగా ఇటీవల బాలయ్య ఇంటర్వ్యూలు ఇచ్చినపుడల్లా, ఆయన మనుషులు, ముందుగానే ఇంటర్వ్యూ చేసిన వారికి మోక్షజ్ఞ గురించి ఎక్కువగా అడగవద్దని ఫీడ్ బ్యక్ ముందుగానే ఇచ్చారని జర్నిలిస్ట్ సర్కిళ్లలో వినిపిస్తోంది. మోక్షజ్ఙ వయస్సు ఇఫ్పటికే 26 ఏళ్లకు చేరుకుంది. హీరోగా ఎంట్రీ ఇవ్వడానికి ఇదే సరైన టైమ్. కానీ పరిస్థితి చూస్తుంటే మరో ఏడాది రెండేళ్ల వరకు రెడీ అయ్యే అవకాశాలు కూడా కనిపించడం లేదు.
పైగా బర్త్ డే స్టిల్స్ లో మోక్షజ్ఞ ఫేస్ లో యూత్ ఫుల్ హుషారు అన్నది కనిపించలేదు. కొన్ని ఫోటొల్లో బాలయ్య కూడా కొడుకు పక్కన అంత హుషారుగా ఫేస్ పెట్టి కనిపించకపోవడం గమనార్హం. నిజానికి సినిమా ఫ్యామిలీ జనాలు ఎప్పుడెప్పుడు హీరోగా మారదామా అని చూస్తారు. గట్టిగా 20 రాకుండానే తెరంగ్రేటం చేసేయాలని చూస్తుంటారు. ఇప్పటి దాకా వచ్చిన తామర తంపర హీరోలు అంతా అలా వచ్చేసిన వారే.
కానీ మోక్షజ్ఞ మాత్రం 26 వచ్చినా తెరపైకి వచ్చే ఆలోచనలే వున్నట్లు కనిపించడం లేదు. అందువల్ల మోక్షజ్ఞ పూర్తిగా మనసు మార్చుకుని, సీరియస్ గా సినిమాల్లోకి రావాలని అనుకుంటే తప్ప ఇప్పట్లో నందమూరి బాలయ్యకు నటవారసుడు రావడం కష్టమే.