కోడలి లిప్ లాక్ లను సెన్సార్ చేస్తున్న అమితాబ్?

42 యేళ్ల వయసున్న ఐశ్వర్య.. 33 యేళ్ల వయసున్న రణ్ బీర్ కపూర్ ల జంట ఎలా ఉంటుందా? అని చాలా మంది ఆసక్తిగా ఎదురుచూస్తున్నారు. “యే దిల్ యే ముష్కిల్’’ పేరుతో కరణ్ జొహార్ రూపొందిస్తున్న ఈ సినిమాలో వీరిద్దరూ జంటగా నటిస్తున్నారు. ఇందులో అనుష్క శర్మ కూడా నటిస్తున్న.. రణ్ బీర్, ఐష్ ల మధ్య హాట్ హాట్ సీన్స్ ఉంటాయని బాలీవుడ్ లో ప్రచారం జరుగుతోంది.

వీరి గాఢమైన రొమాన్స్ లో కొన్ని మైమరపించే ముద్దులు కూడా ఉంటాయని.. అవి కూడా లిప్ లాక్ లే అని అంటున్నారు. ఇలాంటి నేపథ్యంలో దీనిపై మరో ఆసక్తికరమైన ప్రచారం కూడా మొదలైంది. ఈ సినిమాలో రణ్ బీర్, ఐష్ ల మధ్య గాఢమైన రొమాన్స్ ను దగ్గరుండి ఎడిట్ చేయిస్తున్నాడట అమితాబ్. ప్రత్యేకించి ఐష్ ,రణ్ బీర్ ల లిప్ కిస్సులు ఉండటానికి వీల్లేదని కరణ్ కు అమితాబ్ స్పష్టం చేసినట్టుగా వార్తలు వస్తున్నాయి.

అయితే ఈ ప్రచారాన్ని బచ్చన్ ఫ్యామిలీకి దగ్గరైన వారు ఖండిస్తున్నారు కూడా. బచ్చన్ ఫ్యామిలీ ఇంత సంకుచితంగా ఆలోచించదని.. చాలా సోషల్ గా ఉంటుందని వారంటున్నారు. ఐష్ వర్క్ విషయంలో సీనియర్ బచ్చన్ జోక్యం చేసుకునే అవకాశం లేదని వీరు అంటున్నారు. మరి అక్టోబర్ లో విడుదల కానున్న ఈ సినిమాను చూస్తే తప్ప.. ఐష్ ముద్దుల పట్ల బచ్చన్ ఫ్యామిలీ అభ్యంతరం చెప్పిందో లేదో అర్థం కాదు.