2 వారాల్లో ప్యాకప్.. నో క్లారిటీ

పుష్ప సినిమాలో సమంత ఐటెంసాంగ్ చేసింది. మరి పుష్ప-2 సినిమాలో ఐటెంసాంగ్ ఎవరు చేస్తారు? దాదాపు రెండేళ్లుగా నలుగుతున్న టాపిక్ ఇది. చివరికి సినిమా షూటింగ్ చివరి దశకు వచ్చేసినా దీనిపై మేకర్స్ ఇంకా స్పష్టత ఇవ్వకపోవడం ఆశ్చర్యం.

పుష్ప-2 సినిమా టాకీ మరో 2 వారాల్లో పూర్తవుతుంది. నవంబర్ 4 లేదా 5వ తేదీకి ప్యాకప్ చెప్పబోతున్నారు. నవంబర్ 4 నుంచి ఐటెంసాంగ్ షూటింగ్ పెట్టుకున్నారు. దాంతో మొత్తం షూటింగ్ పూర్తవుతుంది.

అయితే ఇప్పటివరకు ఇంకా నిర్ణయం తీసుకోలేదని ప్రకటించారు నిర్మాతలు. ఐటెంసాంగ్ కోసం ఎంతోమంది పేర్లు అనుకున్నప్పటికీ, ‘స్త్రీ-2’ సక్సెస్ తో ఆఖరి నిమిషంలో శ్రద్ధా కపూర్ పేరు తెరపైకొచ్చింది.

ఈ ఒక్క పాట కోసం రూ.4 కోట్లు ఇచ్చి ఆమెనే తీసుకున్నట్టు టాక్ నడుస్తోంది. ఆమె ఉంటే బాలీవుడ్ లో పుష్ప-2కు అదనపు మైలేజీ వస్తుందనేది ఓపెన్ సీక్రెట్. అయితే మేకర్స్ మాత్రం ఇంకా ఫైనలైజ్ అవ్వలేదంటున్నారు. మరో 2 రోజుల్లో చెబుతామంటున్నారు.

ఇక ప్రచారానికి సంబంధించి నవంబర్ నెల పుష్ప-2కు కీలకం కానుంది. వచ్చే నెల ఈ సినిమా నుంచి 2 సాంగ్స్ రిలీజ్ అవుతాయి. వీటితో పాటు ట్రయిలర్ కూడా రాబోతోంది.