ఫొటో లీక్ అయింది.. ఫస్ట్ లుక్ వచ్చేసింది

జస్ట్ నిన్నగాక మొన్న పుష్ప-2 నుంచి మరో లీక్ వచ్చింది. అల్లు అర్జున్, శ్రీలీల డాన్స్ చేస్తున్న ఐటెంసాంగ్ నుంచి స్టిల్, సోషల్ మీడియాలో ప్రత్యక్షమైంది. దీంతో ఈ ఐటెం సాంగ్ లో శ్రీలీల చేస్తోందనే మేటర్ తో పాటు, ఆమె లుక్ కూడా బయటకొచ్చేసింది.

ఘనంగా ఎనౌన్స్ చేద్దామనుకున్న మేటర్ ముందుగానే లీక్ అవ్వడంతో యూనిట్ ఇక ఆలస్యం చేయలేదు. కొద్దిసేపటికిందట పుష్ప-2 నుంచి శ్రీలీల లుక్ ను రిలీజ్ చేసింది. తమ సినిమాలో డాన్సింగ్ క్వీన్ ఉందంటూ బయటపెట్టింది.

లీక్ అయిన స్టిల్ లో ఏ దుస్తుల్లో ఉందో, అధికారికంగా రిలీజ్ చేసిన పోస్టర్ లో కూడా అదే దుస్తుల్లో కనిపించింది శ్రీలీల. “కిస్సిక్” అనే లిరిక్స్ తో సాగే ఈ సాంగ్ ను దేవిశ్రీ ప్రసాద్ కంపోజ్ చేశాడు.

మరోవైపు పుష్ప-2 ప్రచారాన్ని భారీ ఎత్తున చేయడానికి నిర్ణయించారు. సినిమా ట్రయిలర్ ను పాట్నాలో విడుదల చేయబోతున్నారు. దీంతో పాటు, కోల్ కతా, చెన్నై, కొచ్చి, బెంగళూరు, ముంబయి, హైదరాబాద్ లో గ్రౌండ్ ఈవెంట్స్ ప్లాన్ చేశారు. విశాఖ, విజయవాడ లేదా తిరుపతిలో ఓ ఈవెంట్ ప్లాన్ చేసి ఉంటే బాగుండేది. ప్రస్తుతానికైతే లిస్ట్ లో ఏపీ నుంచి ఏ సిటీ లేదు.