పవన్ కోసం మరో షెడ్యూల్

లెక్కప్రకారం, హరిహర వీరమల్లు సినిమాకు సంబంధించి ఒకే ఒక షెడ్యూల్ ప్లాన్ చేశారు. మేకర్స్ ఆశించిన స్థాయిలో పవన్ సెట్స్ పైకి వచ్చినట్టయితే సకాలంలో ఆ షెడ్యూల్ పూర్తయ్యేది. కానీ ఇప్పుడు మరో షెడ్యూల్ మొదలుపెట్టాల్సిన పరిస్థితి వచ్చింది.

హరిహర వీరమల్లు సినిమా సెట్స్ పైకి పవన్ వచ్చినట్టే వచ్చి మళ్లీ గ్యాప్స్ ఇచ్చారు. తిరుమల లడ్డూ ఇష్యూ తెరపైకి రావడంతో పాటు, ఇతర రాజకీయ కార్యకలాపాలతో పవన్ బిజీ అవ్వడంతో అనుకున్న విధంగా ఈ షెడ్యూల్ సాగలేదు.

దీంతో ఈ సినిమా కోసం మరో షెడ్యూల్ ప్లాన్ చేస్తున్నారు. ప్రస్తుతం నడుస్తున్న షెడ్యూల్ ను ఈ నెలాఖరకు ముగించబోతున్నారు. 25 నుంచి సాంగ్ షూటింగ్ పెట్టుకున్నారు. రాబోయే షెడ్యూల్ లో అనుపమ్ ఖేర్ జాయిన్ అవుతారు. పవన్-ఖేర్ మధ్య కొన్ని కీలక సన్నివేశాలు తీయాలనేది ప్లాన్.

మరోవైపు ఈ సినిమా నుంచి దీపావళి కానుక రెడీ అవుతోంది. సినిమా ఫస్ట్ సింగిల్ పై మ్యూజిక్ డైరక్టర్ కీరవాణి వర్క్ చేస్తున్నారు. పవన్ కల్యాణ్ గొంతుతో పాటను అప్ గ్రేడ్ చేస్తున్నారు. పవన్ పూర్తిస్థాయిలో పాట పాడారా లేక పాటలో కొన్ని లైన్స్ మాత్రమే పవన్ గొంతులో వినిపిస్తాయా అనేది ప్రస్తుతానికి సస్పెన్స్.