లేడీస్ టైలర్ టీమ్ రీ యూనియన్

లేడీస్ టైలర్..వంశీకి..స్రవంతి మూవీస్ కు, హీరో రాజేంద్ర ప్రసాద్ కు పెద్ద హిట్..టర్నింగ్ పాయింట్. ఈ సినిమా విజయంలో కీలకపాత్ర పోషించిన వారంతా మళ్లీ ఒక్కసారి ఒకే వేదికపై కనిపించే అవకాశం వచ్చింది. శివమ్ అడియో ఫంక్షన్ లో స్రవంతి సంస్థ ముఫై, ఏళ్ల పండుగ కూడా జరిపారు. 

ఈ సందర్భంగా లేడీస్ టైలర్ టీమ్ లోని, రచయిత తనికెళ్ల, దర్శకుడు వంశీ, సినిమాటోగ్రాఫర్ హరి అనుమోలు, పాటల రచయిత సిరివెన్నెల, నిర్వాహకుడు వేమూరి సత్యనారాయణ, నిర్మాత రవికిషోర్, అన్నింటికి మించి, ఆ సినిమాలో వన్ ఆఫ్ ది హీరోయిన్ సంధ్య కూడా ఒక్క దగ్గరికి చేరారు. 

వీళ్లంతా ఆనాటి ముచ్చట్లలో మునిగిపోయారు. తనకు తొలినాళ్లలో నీడ ఇచ్చింది స్రవంతి ఆఫీస్ అని సిరివెన్నెల అంటే, తను ఈ రోజు ఈ స్థాయిలో ఆనందంగా వుండడానికి కారణం లేడీస్ టైలర్ అంటూ భరణి ప్రశంసలు కురిపించారు.