పవన్ కల్యాణ్ ‘ఓజీ’లో నేను లేను

ఓ హీరో సినిమాలో మరో హీరో మెరుపు పాత్ర చేయడం ఇప్పుడు కామన్ అయిపోయింది. దర్శకుడు, హీరోతో మంచి అనుబంధం ఉంటే ఓకే అంటున్నారు చాలామంది. ఈ క్రమంలో ఓజీ సినిమాలో కూడా ఓ గెస్ట్ రోల్ ఉందని, అందులో వరుణ్ తేజ్ కనిపించబోతున్నాడనే ప్రచారం జరిగింది.

దీనిపై వరుణ్ తేజ్ స్పందించాడు. పవన్ కల్యాణ్ సినిమాలో నటించాలని తనకు కూడా ఉందని, కానీ అందరూ అనుకుంటున్నట్టు ‘ఓజీ’లో తను లేనని క్లారిటీ ఇచ్చాడు.

కొన్ని రోజుల కిందట ‘మట్కా’ ప్రచారం కోసం విజయవాడ వచ్చిన వరుణ్ తేజ్, ‘ఓజీ’ గురించి చాలా డీటెయిల్డ్ గా మాట్లాడాడు. దీంతో ఆ సినిమాలో వరుణ్ తేజ్ కూడా ఉన్నాడనే ప్రచారం మొదలైంది. అప్పట్నుంచి నడుస్తున్న ఈ ప్రచారానికి ఈరోజు ఫుల్ స్టాప్ పెట్టాడు వరుణ్.

ఓజీలో గెస్ట్ రోల్స్ అంటూ అకిరా నందన్ పేరు కూడా గట్టిగా వినిపించింది. యంగ్ పవన్ కల్యాణ్ పాత్రలో అకిరా కనిపిస్తాడని, ఈ సినిమాతోనే అతడు డెబ్యూ అవుతాడని కూడా చాలామంది అన్నారు. కానీ అది కూడా నిజం కాదు.

సుజీత్ దర్శకత్వంలో తెరకెక్కుతోంది ఓజీ సినిమా. డీవీవీ దానయ్య నిర్మిస్తున్న ఈ సినిమాలో ప్రియాంక మోహన్ హీరోయిన్.