పెళ్లి తర్వాత నో గ్యాప్

మైథలాజికల్ థ్రిల్లర్.. సౌత్ కు సంబంధించి ఇదే ఇప్పుడు అతిపెద్ద పాన్ ఇండియా జానర్. ఇప్పుడీ జానర్ లోకి నాగచైతన్య కూడా ఎంటరయ్యాడు. కార్తీక్ దండు దర్శకత్వంలో కొత్త సినిమా ఎనౌన్స్ చేశాడు.

వీళ్లిద్దరి కాంబోలో సినిమా రాబోతోందనే విషయం అందరికీ తెలిసిందే. ఇంతకుముందు కార్తీక్ దండు, విరూపాక్ష లాంటి సినిమా తీశాడు కాబట్టి, దాదాపు అదే జానర్ లో సినిమా ఉంటుందని కూడా అందరూ అంచనాకు వచ్చేశారు. అయితే ఈ జానర్ లో ఫుల్ లెంగ్త్ మూవీ చేయడం నాగచైతన్యకు ఇదే తొలిసారి.

ఈ సంగతి పక్కనపెడితే, ఈ మూవీ సెట్స్ పైకి రావడానికి ఇంకాస్త ఎక్కువ టైమ్ పడుతుందని అంతా అనుకున్నారు. ఎందుకంటే, వచ్చేనెల నాగచైతన్య పెళ్లి చేసుకోబోతున్నాడు. ఆ తర్వాత అతడు కొన్ని నెలలు గ్యాప్ తీసుకుంటాడనే చర్చ నడుస్తోంది.

అయితే పెళ్లి తర్వాత గ్యాప్ తీసుకోవడం లేదు నాగచైతన్య. పెళ్లయిన కొన్ని రోజులకే సినిమా సెట్స్ పైకి రాబోతున్నాడు. మేకర్స్ కూడా ఇదే విషయాన్ని ప్రకటించారు. డిసెంబర్ లోనే షూటింగ్ ఉంటుందని క్లారిటీ ఇచ్చారు.

ఎస్వీసీసీ బ్యానర్, సుకుమార్ రైటింగ్స్ కలిసి ఈ సినిమాను నిర్మించబోతున్నారు. అజనీష్ లోకనాధ్ ఈ సినిమాకు సంగీతం అందించబోతున్నాడు.