పవన్‌కళ్యాణ్‌ హ్యాండిచ్చాడు

రైటర్‌ కోన వెంకట్‌ గతంలోనే దర్శకుడిగా అదృష్టం పరీక్షించుకున్నాడు కానీ టైమ్‌ కలిసి రాలేదు. దాంతో రైటర్‌గా బిజీ అయిపోయి చాలా చిత్రాలకి స్క్రిప్ట్‌ డాక్టర్‌గా వ్యవహరిస్తున్నాడు. శ్రీను వైట్లతో విబేధాలు వచ్చి విడిపోయిన తర్వాత కోన వెంకట్‌ దర్శకుడిగా మారాలని సీరియస్‌గా నిర్ణయం తీసుకున్నాడు. 
    
అందరు స్టార్‌ హీరోలతో సత్సంబంధాలు ఉండడంతో పలువురు టాప్‌ స్టార్లనే కలిసి తన కోరిక వెలిబుచ్చాడు. పవన్‌కళ్యాణ్‌తో తన డైరెక్షన్‌లో ఒక సినిమా ఉంటుందని కూడా కోన వెంకట్‌ చెప్పుకున్నాడు. కానీ పవన్‌కి ప్రస్తుతానికి స్టార్‌ డైరెక్టర్లు ఎవరూ అందుబాటులో లేకపోయినా కానీ కోనకి మాత్రం ఛాన్స్‌ ఇవ్వడం లేదు. 
    
ఎన్టీఆర్‌, చరణ్‌ తదితరుల్ని కూడా కలిసిన కోన వెంకట్‌ చివరకు రవితేజ నుంచి గ్రీన్‌ సిగ్నల్‌ పొందాడని వార్తలు వస్తున్నాయి. బలుపు, పవర్‌ చిత్రాలకి పని చేసిన కోన వెంకట్‌ ప్రస్తుతం రవితేజ వెంటే ఉంటున్నాడట. వీరిద్దరి కాంబినేషన్‌లో సినిమా ఉంటుందనేది ఫిలింనగర్‌ టాక్‌. ఇంకా ఈ సంగతి కోన వెంకట్‌ కన్‌ఫర్మ్‌ చేయలేదనుకోండి.