బికినీకి తక్కువేమన్నా చేసిందా.?

అందాల భామ తమన్నా బికినీకి నో చెప్పేస్తోంది. ఎట్టి పరిస్థితుల్లోనూ బికినీ వేసుకుని కన్పించేది లేదని తమన్నా తెగేసి చెప్పేసరికి అంతా ముక్కున వేలేసుకున్నారు. ఇప్పటిదాకా తమన్నా చేసిన ప్రతి సినిమాలోనూ అందాల విందుకే అధిక ప్రాధాన్యతనిచ్చింది. ఓ తమిళ సినిమాలో మాత్రం పెద్దగా మేకప్‌ కూడా లేకుండా, గ్లామర్‌కి దూరంగా నటించిందనుకోండి.. అది వేరే విషయం.

తమన్నా అంటేనే గ్లామర్‌.. తమన్నా అంటేనే అందాల ప్రదర్శన.. తమన్నా అంటేనే ఎక్స్‌పోజింగ్‌.. అనే స్థాయినుంచి కొన్నిసార్లు తమన్నా అంటే వల్గారిటీ.. అనే స్థాయికి తమన్నా అందాల విందు చేసింది తెలుగు తెరపై. మరి అలాంటి తమన్నా.. బికినీ వేసేది లేదు.. అంటే ముక్కున వేలేసుకోకుండా వుండగలమా.?

‘బికినీకన్నా ఏం తక్కువ చేయలేదు..’ అంటూ తమన్నా గ్లామర్‌ గురించి తెలుగు సినీ జనం చెవులు కొర్కుంటున్నారు. బాలీవుడ్‌లోనూ తమన్నా అందాల ప్రదర్శనతోనే అక్కడివారిని ఆకట్టుకుంది.. వరుస అవకాశాల్ని పొందుతోంది గనుక.. బికినీని మించిన గ్లామర్‌ ఆమె ఒలకబోసింది గనుక.. ‘బికినీకి నో..’ అని తమన్నా చెప్పినా, అందులో అంత సీరియస్‌గా తీసుకోవాల్సిన మేటరేమీ లేదనే అనుకోవాలి.