క్రిస్మస్ బరి ఖాళీయేనా?

నవంబర్‌లో పెద్ద సినిమా కంగువ.. డిసెంబర్ అరంభంలో పుష్ప 2.. మరి క్రిస్మస్ బరిలోకి వచ్చే సినిమా ఏది? తండేల్ రాదు. వర్క్ పూర్తి కాలేదు అని చెబుతున్నారు. సంక్రాంతికి రావాలని ప్రయత్నిస్తున్నారు. నితిన్ రాబిన్ హుడ్ వస్తుందనే టాక్ వుంది. కానీ వస్తుందా అనే అనుమానాలు వున్నాయి.

పుష్ప 2 బ్లాక్ బస్టర్ అయినా లేదా యావరేజ్‌ అయినా కూడా నితిన్- రాబిన్ హుడ్ రావడం కష్టం అనే టాక్ వుంది. ఎందుకంటే పుష్ప 2 బ్లాక్ బస్టర్ అయితే మూడు వారాలు లాగేస్తుంది. అలాంటపుడు రాబిన్ హుడ్ సినిమా విడుదల అంటే చాలా మిస్టేక్ అవుతుంది.

పుష్ప 2 యావరేజ్‌ అనిపించుకుంటే, దాని మీద మరే సినిమా రాకుండా చూసుకుంటారు కానీ మైత్రీ సంస్థనే నిర్మించే రాబిన్ హుడ్ ఎందుకు వేస్తారు? సితార సంస్థ కూడా తమ మ్యాడ్ సినిమా వేయడం లేదు. మ్యాజిక్ అనే చిన్న సినిమా వేస్తున్నారు. ఇటు బన్నీ/గీతాతో పరిచయాలు సంబంధాలు వున్నవారు అయినా, అటు మైత్రీ/సుకుమార్ తో సంబంధాలు వున్నవారు అయినా పుష్ప 2 రన్ కు అడ్డంకులు క్రియేట్ చేయాలని అనుకోరు.

అందువల్ల క్రిస్మస్ బరి ఖాళీగా వుండిపోయే అవకాశం వుంది. నవంబర్ లో రాబోయే సినిమాల్లో ఏవైనా కావాలంటే డిసెంబర్ కు వెళ్లి ఖాళీగా వున్న క్రిస్మస్ డేట్ ను వాడుకోవచ్చు. లేదంటే డిసెంబర్ 5 నుంచి సంక్రాంతి వరకు మరో సినిమా అన్నది వుండదు.