మళ్లీ పెళ్లి చేసుకున్న క్రిష్

దర్శకుడు క్రిష్ పెళ్లి చేసుకున్నాడు. హైదరాబాద్ కు చెందిన డాక్టర్ ప్రీతి చల్లాను ఆయన వివాహం చేసుకున్నాడు. ఈరోజు వీళ్ల వివాహం సింపుల్ గా జరిగింది. ఇండస్ట్రీలో క్రిష్ కు అత్యంత సన్నిహితులు మాత్రమే ఈ పెళ్లికి హాజరయ్యారు.

క్రిష్ కు ఇది రెండో పెళ్లి. గతంలో కూడా ఓ డాక్టర్ ను ఆయన పెళ్లాడాడు. అయితే వాళ్ల వైవాహిక బంధం ఎక్కువ రోజులు నిలవలేదు. అలా 2018 నుంచి సింగిల్ గా ఉంటున్న క్రిష్, ఇప్పుడు ప్రీతి రూపంలో మరో డాక్టర్ ను పెళ్లాడాడు. వృత్తిపరంగా ఈమె గైనకాలజిస్ట్.

క్రిష్-అనుష్క లవ్ లో ఉన్నారని.. వీళ్లిద్దరూ త్వరలోనే పెళ్లి చేసుకోబోతున్నారంటూ ఆమధ్య ప్రచారం జరిగింది. ఈ పుకారును అనుష్క ఖండించింది కూడా. ఈ ఊహాగానాలు చెలరేగిన కొన్ని రోజులకే క్రిష్ ఇలా ఓ ఇంటివాడయ్యాడు.

అనుష్క లీడ్ రోల్ లో ఘాటీ అనే సినిమాను తెరకెక్కించాడు క్రిష్. పవన్ తో చేస్తున్న హరిహర వీరమల్లు సినిమా లేట్ అవ్వడంతో, ఆ ప్రాజెక్ట్ నుంచి కాస్త పక్కకు జరిగి ఘాటీని డైరక్ట్ చేశాడు. వచ్చే ఏడాది ఈ సినిమా థియేటర్లలోకి వస్తుంది.

Click Here More Pics