వరుణ్ తో పాటు మీనాక్షికీ మేకోవర్

మట్కా సినిమాలో వరుణ్ తేజ్ డిఫరెంట్ గెటప్స్ లో కనిపించబోతున్నాడనే సంగతి తెలిసిందే. ఆ గెటప్స్ కు కూడా మంచి రెస్పాన్స్ వచ్చింది. అయితే ఈ సినిమాలో వరుణ్ తేజ్ తో పాటు అతడికి ప్రేయసిగా నటించిన మీనాక్షి చౌదరికి కూడా మేకోవర్స్ ఉన్నాయి.

మట్కాలో వరుణ్ తో పాటు తను కూడా డిఫరెంట్ లుక్స్ లో కనిపిస్తానని అంటోంది. తన పాత్ర స్వరూపంతో పాటు, మేకోవర్స్ గురించి వెల్లడించింది.

“మట్కాలో సుజాత అనే పాత్రలో కనిపిస్తాను. నా పాత్ర 3 దశల్లో ఉంటుంది. హీరోతో పాటు ట్రావెల్ అవుతుంది. ఇందులో నాకు చాలా ఆసక్తికరమైన మేకోవర్స్ ఉన్నాయి. ఒక వింటేజ్ లుక్ ఉంటుంది. టీనేజ్ లో ఒకలా కనిపిస్తుంది. లైఫ్ లో దశలు మారుతున్న కొద్దీ ఆ లుక్ మారుతూ ఉంటుంది.”

ఇలా వరుణ్ తేజ్ తో పాటు తను కూడా మేకోవర్ అయ్యానని చెబుతోంది మీనాక్షి. దర్శకుడు కరుణ కుమార్, లుక్స్ విషయంలో చాలా కేర్ తీసుకున్నాడని.. ప్రతిది స్కెచ్ వేసి మరీ తన లుక్స్ డిజైన్ చేశాడని చెబుతోంది.

కెరీర్ ప్రారంభంలోనే పీరియాడిక్ పాత్రలు పోషించే అవకాశం రావడం తన అదృష్టం అంటోంది మీనాక్షి. ఈ సినిమా రిలీజైన వెంటనే మెకానిక్ రాకీ సినిమాతో ప్రేక్షకుల ముందుకు రాబోతోంది. అది రిలీజైన కొన్నాళ్లకే ‘సంక్రాంతికి వస్తున్నాం’ సినిమాతో రాబోతోంది. ఇలా మీనాక్షి నుంచి బ్యాక్ టు బ్యాక్ మూవీస్ వస్తున్నాయి.