విశ్వక్ చేతిలో ఎన్ని సినిమాలు!

ఒక సినిమా అయిన తర్వాత మరో సినిమా ప్రకటించడం కామన్. చేతిలో 2-3 సినిమాలు ఉంటుండంగానే ఇంకో సినిమాకు సైన్ చేయడం వెరైటీ. పెద్ద హీరోల్లో ప్రభాస్, యంగ్ హీరోల్లో విశ్వక్ ఈ పనిని సక్సెస్ ఫుల్ గా చేసి చూపిస్తున్నారు.

ఆమధ్య గ్యాంగ్స్ ఆఫ్ గోదావరి సినిమాతో థియేటర్లలోకి వచ్చాడు విశ్వక్. తాజాగా మెకానిక్ రాకీ రిలీజ్ చేశాడు. సెట్స్ పై లైలా ఉంది. 3 నెలల కిందటే సుధాకర్ చెరుకూరి నిర్మాతగా శ్రీధర్ గంటా దర్శకత్వంలో సినిమా స్టార్ట్ చేశాడు.

ఇవి కాకుండా పైప్ లైన్ లో అనుదీప్ కేవీ దర్శకత్వంలో సినిమా ఉంది. మరోవైపు దాస్ కా ధమ్కీ 2, ఫలక్ నుమా దాస్ 2 సినిమాలపై కూడా వర్కవుట్ చేస్తున్నాడు.

రాబోయే 2-3 ఏళ్లకు ఈ సినిమాలు సరిపోతాయి. కానీ విశ్వక్ ఇక్కడితో ఆగడం లేదు. ఈమధ్య సాగర్ చంద్ర దర్శకత్వంలో సినిమాను కూడా లైన్లో పెట్టాడు. షైన్ స్క్రీన్ బ్యానర్ పై తెలంగాణ నేపథ్యంలో ఈ సినిమా రాబోతోంది.

ఇలా ఒకటి, రెండు కాదు… ఏకంగా 5 సినిమాలు లైన్లో పెట్టాడు విశ్వక్ సేన్. వీటిలో 2 సినిమాలు స్వీయ దర్శకత్వంలో రాబోతున్నాయి. యంగ్ హీరోల్లో ఇన్ని సినిమాలు చేస్తున్న నటుడు విశ్వక్ సేన్ మాత్రమే.