కావ్య మారన్ ను పెళ్లాడిన సంగీత దర్శకుడు అనిరుధ్

సెన్సేషనల్ మ్యూజిక్ డైరక్టర్ అనిరుధ్ ఓ ఇంటివాడయ్యాడు. కావ్య మారన్ తో అనిరుధ్ వివాహం ఈరోజు గ్రీస్ లో వైభవంగా జరిగింది. నవంబర్ 10, 11 తేదీల్లో 2 రోజుల పాటు జరిగిన ఈ వివాహంలో ఇరు కుటుంబ సభ్యులతో పాటు, రజనీకాంత్ కూడా పాల్గొన్నారు.

తను పెళ్లి చేసుకున్న విషయాన్ని అనిరుధ్ ప్రకటించాడు. ఈ మేరకు అతడు ఫొటోలు కూడా షేర్ చేశాడు. “జీవితంలో ఒకే ఒక్కసారి వచ్చే సందర్భం, పైగా ఇది జీవితాంతం” అంటూ తన సంతోషాన్ని వ్యక్తం చేశాడు.

గ్రీస్ లోని శాంటారియో సమీపంలో ఓ రిసార్ట్ లోని ఆరుబయట ఈ వివాహం జరిగింది. పెళ్లిలో సూపర్ స్టార్ రజినీకాంత్, తమిళనాడు డిప్యూటీ సీఎం స్టాలిన్ ప్రత్యేక ఆకర్షణగా నిలిచారు.

గ్రీస్ నుంచి ఇండియా వచ్చిన వెంటనే, చెన్నైలో గ్రాండ్ రిసెప్షన్ ఏర్పాటుచేస్తారు. ఈ వెడ్డింగ్ రిసెప్షన్ కు టాలీవుడ్, కోలీవుడ్ కు చెందిన ప్రముఖులు హాజరుకానున్నారు. తమిళనాడు ముఖ్యమంత్రి విజయ్ రిసెప్షన్ కు హాజరవుతారు.

పెళ్లికి ముందు కొద్ది రోజులు డేటింగ్ చేశారు అనిరుధ్-కావ్య. ఆ విషయం చాన్నాళ్ల పాటు బయటకు రాలేదు. యూరోప్ లో వీళ్లిద్దరూ కలిసి విహరిస్తున్న ఫొటోలు సోషల్ మీడియాలో ప్రత్యక్షమైన తర్వాత, అందరికీ తెలిసొచ్చింది.

అయితే తమ డేటింగ్ విషయాన్ని ఎక్కడా ప్రస్తావించలేదు అనిరుధ్-కావ్య. చివరికి పెళ్లి సెటిల్ అయిన విషయాన్ని కూడా వీళ్లు బయటపెట్టలేదు. ఇప్పుడు నేరుగా పెళ్లి చేసుకొని ఓపెన్ అయ్యాడు అనిరుధ్. ఒక విధంగా చెప్పాలంటే వీళ్లది లవ్ కమ్ ఎరేంజ్డ్ మ్యారేజ్ అనుకోవచ్చు.