షూటింగ్స్ తక్కువ.. ప్రచారం ఎక్కువ

ఒకప్పుడు శ్రీలీల విషయంలో ఇలా జరిగేది. ఆమె నటించిన సినిమాలన్నీ బ్యాక్ టు బ్యాక్ విడుదలయ్యేవి. ఆ టైమ్ లో షూటింగ్స్ కంటే ప్రమోషన్స్ లోనే ఎక్కువగా ఉండేది. ఇప్పుడా పొజిషన్ లో హీరోయిన్ మీనాక్షి చౌదరి ఉంది.

మీనాక్షి నటించిన 3 సినిమాలు ఒకే సీజన్ లో విడుదలకు సిద్ధమయ్యాయి. పైగా 3 సినిమాల ప్రచారాలు ఒకేసారి మొదలయ్యాయి. దీంతో ఆమె షూటింగ్స్ కంటే ప్రమోషన్స్ లోనే ఎక్కువగా కనిపిస్తోంది.

మీనాక్షి చౌదరి హీరోయిన్ గా నటించిన లక్కీ భాస్కర్ సినిమా ఈనెల 31న విడుదలవుతోంది. ఆమె నటించిన మరో సినిమా మట్కా, వచ్చేనెల 14న, ఇంకో సినిమా మెకానిక్ రాకీ వచ్చేనెల 22న రిలీజ్ అవుతోంది.

ఈ 3 సినిమాలకు ఒకేసారి ప్రచారం చేస్తోంది మీనాక్షి. లక్కీ భాస్కర్ ప్రమోషన్స్ లో బిజీగా ఉన్న ఈ బ్యూటీ, మరోవైపు మట్కా ఇంటర్వ్యూలు మొదలుపెట్టింది. అటు మెకానిక్ రాకీ ప్రచారం కూడా మొదలైంది. అయితే బిజీ షెడ్యూల్ కారణంగా ఈ సినిమా ట్రయిలర్ లాంఛ్ కార్యక్రమానికి మాత్రం ఆమె హాజరుకాలేకపోయింది.

అటు తన సోషల్ మీడియా పేజీలో కూడా ఈ 3 సినిమాలకు సమ ప్రాధాన్యం ఇస్తూ పోస్టులు పెడుతోంది మీనాక్షి. ఇలా 3 వారాల గ్యాప్ లో వస్తున్న ఈ 3 సినిమాలు మీనాక్షి కెరీర్ ను డిసైడ్ చేయబోతున్నాయి.