దీపావళికి నో ఛాన్స్.. నిరాశలో ఫ్యాన్స్

చెప్పకుండా చేయకపోతే ఏ గొడవ లేదు. చెప్పిన తర్వాత హ్యాండిస్తేనే అసలు సమస్య. పాపం.. బాలయ్య ఫ్యాన్స్ కు ఇప్పుడు అదే ఎదురైంది. ఈరోజో, రేపో తమ హీరో సినిమా టైటిల్ ఎనౌన్స్ మెంట్ వస్తుందని కళ్లు కాయలు కాచేలా ఎదురుచూశారు. కట్ చేస్తే, అలాంటిదేం లేదని నిర్మాత నాగవంశీ ప్రకటించాడు.

బాలకృష్ణ సినిమాను సంక్రాంతికి విడుదల చేయబోతున్నట్టు కొన్ని రోజుల కిందట ఘనంగా ప్రకటించాడు ఈ నిర్మాత. అదే టైమ్ లో దీపావళికి టైటిల్, ఫస్ట్ లుక్ ఉంటుందని కూడా క్లారిటీ ఇచ్చాడు. కానీ ఇప్పుడు డిలే అవుతుందని తెలుపుతూ, ఫ్యాన్స్ కు సారీ చెప్పాడు.

“‘టైటిల్ పోస్టర్ వేస్తే ఆ కిక్కు రాదని, విజువల్ తో టైటిల్ ఇద్దామనుకున్నాం. ఆ విజువల్ కు చాలా సీజీ వర్క్ కావాలి. టైమ్ కు గ్రాఫిక్స్ డెలివరీ అవ్వలేదు. అందుకే దీపావళికి టైటిల్ ఇవ్వలేకపోతున్నాం.”

బాలకృష్ణ సినిమాకు ఫిక్స్ చేసిన టైటిల్ ను విజువల్ తో చూస్తేనే బాగుంటుందని, అందుకే పోస్టర్ వేయడం లేదని తెలిపిన నాగవంశీ.. నవంబర్ రెండో వారంలో టైటిల్, ఫస్ట్ లుక్ వచ్చే ఛాన్స్ ఉందని అంటున్నాడు.