ప్రామిస్ చేశాను.. పెళ్లి చేసుకున్నాను

లావణ్య త్రిపాఠితో ప్రేమ, పెళ్లికి సంబంధించి మరోసారి రియాక్ట్ అయ్యాడు వరుణ్ తేజ్. లావణ్య విషయంలో రెండు ప్రామిస్ లు చేశానని, అందులో ఒకటి నిలబెట్టుకున్నానని, ఒకటి మాత్రం నెరవేర్చలేకపోయానని వెల్లడించాడు.

“లావణ్యకు నేను 2 ప్రామిస్ లు చేశాను. పెళ్లి చేసుకుంటానని ప్రామిస్ చేశాను, మాటిచ్చినట్టుగానే పెళ్లి చేసుకున్నాను. ప్రేమ విషయాన్ని రెండేళ్ల ముందే ఇంట్లో చెబుతానన్నాను. ఆ మాట మాత్రం నిలబెట్టుకోలేకపోయాను. ఏడాది కిందటే చెప్పాను.”

మట్కా ప్రీ-రిలీజ్ ఈవెంట్ కు తన భార్యను తీసుకెళ్లాడు వరుణ్ తేజ్. ఇద్దరూ ప్రత్యేక ఆకర్షణగా నిలిచారు. ఈ సందర్భంగా మరో ఆసక్తికర విషయాన్ని కూడా బయటపెట్టాడు. ఇంట్లో వరుణ్ కోసం లావణ్య వంట చేస్తుందట. ఆమె సాంబార్ చాలా బాగా పెడుతుందంట.

ఇక మట్కా సినిమాకు సంబంధించి కూడా వరుణ్ తేజ్ ఓ ప్రామిస్ చేశాడు. కచ్చితంగా ఈ సినిమా అందర్నీ ఆకట్టుకుంటుందని, తనది ప్రామిస్ అంటూ ఓపెన్ గా ప్రకటించాడు.