విష్వక్ @ 7 కోట్లు?

హీరో విష్వక్ సేన్ ఫుల్ జోష్ మీద వున్నాడు. చేతినిండా సినిమాలు. మెకానిక్ రాఖీ విడుదలకు సిద్దం అవుతోంది. దాస్ కా దంమ్కీ, గామి, గ్యాంగ్స్ ఆఫ్ గోదావరి సినిమాల తరువాత విష్వక్ మీద మినిమమ్ బిజినెస్ అనేది ఏర్పడింది. దాంతో నిర్మాతలు లైన్ లోకి వచ్చారు. మెకానిక్ రాఖీ తరువాత చేస్తున్న సినిమా లైలా. ఈ సినిమా తరువాత మరో రెండు సినిమాలు సైన్ చేసాడు.

జాతిరత్నాలు డైరక్టర్ అనుదీప్ తో అవుట్ అండ్ అవుట్ ఎంటర్ టైన్ మెంట్ సినిమా చేస్తున్నాడు. గ్యాంగ్స్ ఆఫ్ గోదావరి డైరక్టర్ కృష్ణ చైతన్య దర్శకత్వంలో ఓ సినిమాకు ఓకె చెప్పినట్లు తెలుస్తోంది. నితిన్ తో చేయాలనుకుంటున్న పవర్ పేట సినిమాను విష్వక్ తో చేస్తారు.

ఇలా వరుస సినిమాలు చేతిలోకి రావడంతో విష్వక్ రెమ్యూనిరేషన్ ను పెంచినట్లు వార్తలు వినిపిస్తున్నాయి. ప్రస్తుతం తన రెమ్యూనిరేషన్ ను విష్వక్ 7 కోట్ల మేరకు కోట్ చేస్తున్నట్లు తెలుస్తోంది. ప్రస్తుతం ఓకె చెప్పిన సినిమాలు కాకుండా, అనుదీప్ సినిమా నుంచి ఈ కొత్త రేటు కోట్ చేస్తున్నట్లు వార్తలు వినిపిస్తున్నాయి. పీపుల్స్ మీడియా సంస్థ ఈ మేరకు ఓకె చెప్పి, ప్రాజెక్ట్ టేకప్ చేసినట్లు తెలుస్తోంది.