పుష్ప-2 ట్రయిలర్ రెడీ

అల్లు అర్జున్ హీరోగా నటిస్తున్న మోస్ట్ ఎవెయిటింగ్ మూవీ పుష్ప-2 ట్రయిలర్ రెడీ అయింది. ట్రయిలర్ కు సంబంధించి రఫ్ కట్ రెడీ చేశారు. దీని డబ్బింగ్ కూడా పూర్తి చేశారు. అయితే ఇంకా లాక్ చేయలేదు.

పుష్ప-2 ట్రయిలర్ నిడివి 3 నిమిషాలు దాటి వచ్చింది. ఇది రఫ్ కట్ మాత్రమే. ఇందులోంచి దాదాపు 20-30 సెకెన్లు ట్రిమ్ అయ్యే అవకాశం ఉంది. రేపు లేదా ఎల్లుండి ట్రయిలర్ రన్ టైమ్ లాక్ అవుతుంది. ఆ తర్వాత ఫైనల్ మిక్సింగ్.

ఇక కంటెంట్ విషయానికొస్తే.. పుష్ప సినిమా పాన్ ఇండియా లెవెల్లో హిట్టవ్వడానికి ఏఏ అంశాలు దోహదపడ్డాయో అవన్నీ ట్రయిలర్ లో చొప్పించారు. ఇక టీజర్ లో చూపించిన జాతర ఎపిసోడ్ కు కొనసాగింపు కూడా ట్రయిలర్ లో ఉంది. టోటల్ సినిమాకు ఇది హైలెట్ అని మేకర్స్ చెబుతున్నారు.

స్టోరీ పరంగా కూడా ఈ జాతర ఎపిసోడ్ సినిమాకు అత్యంత కీలకం అంటున్నారు. అందుకే లేడీ గెటప్ లో ఉన్న బన్నీ లుక్ కు ఎనలేని ప్రచారం కల్పిస్తున్నారు. ఈ ఎపిసోడ్ క్లిక్ అయితే సినిమా హిట్టయినట్టేనని భావిస్తున్నారంతా. దీంతో పాటు బన్నీ చేసిన 2 డాన్స్ బిట్స్ ట్రయిలర్ లో ఉన్నాయి.

ఓవరాల్ గా ట్రయిలర్ లో సాంగ్స్, డాన్స్ కంటే యాక్షన్-ఎమోషన్ ను ఎక్కువగా చూపించబోతున్నారు. కాబట్టి బన్నీ డాన్స్ మూమెంట్స్ కట్ చేసినా ఆశ్చర్యపోనక్కర్లేదు.

ప్రస్తుతం ఓవైపు సినిమా షూటింగ్, మరోవైపు పోస్ట్ ప్రొడక్షన్ తో పాటు, ఇంకోవైపు ఈ ట్రయిలర్ వర్క్ జోరుగా సాగుతోంది. అన్నీ అనుకున్నట్టు జరిగితే ఈ వారంలోనే పుష్ప-2 షూటింగ్ మొత్తం పూర్తిచేసి, గుమ్మడికాయ కొట్టేస్తారు.