బెల్లంకొండ.. గరుడన్.. భైరవం

బెల్లంకొండ శ్రీనివాస్ చేస్తున్న మినీ మల్టీ స్టారర్ సినిమా ఒకటి వుంది. కెకె రాధామోహన్ నిర్మాత. విజ‌య్ కనకమేడల దర్శకుడు. పరభాషాచిత్రం గరుడన్ రీమేక్ ఇది. ఈ సినిమాకు భైరవం అనే టైటల్ ఫిక్స్ చేసినట్లు తెలుస్తోంది. ఈ సినిమాలో మంచు మనోజ్, నారా రోహిత్ కూడా కీలకపాత్రలు పోషిస్తున్నారు. అంటే ముగ్గురు హీరోలు ఒకే సినిమాలో అన్న మాట, మరి మినీ మల్టీ స్టారర్ నే కదా. ఇప్పుడు ఈ సినిమాకు భైరవం అని టైటిల్ పెట్టినట్లు తెలుస్తోంది

తమిళంలో నిర్మించిన గరుడన్ సినిమాకు మంచి దర్శకుడిగా పేరున్న వెట్రిమారన్ నిర్మాత. అయన స్వయంగా నిర్మించారు అంటే సబ్జెక్ట్ ఎంత అసక్తికరమో డిసైడ్ కావచ్చు. చాలా మల్టీ లేయర్లు వున్న కథ ఇది. ఇటు స్నేహ బంధం, అటు నమ్మకం.. విశ్వాసం.. మరోపక్క అత్యాశ, వర్తమాన సమాజంలో కనిపించే భూముల మీద అసక్తి ఇలా చాలా అంటే చాలా వుంటాయి. పైగా తెలుగుకు అనుగుణంగా మార్చడానికి వీలయిన కథ. బహుశా అందుకే దర్శకుడు విజ‌య్ కనకమేడల ఈ స్క్రిప్ట్ టేకప్ చేసి వుంటారు.

గతంలో నాంది, ఉగ్రం సినిమాలు రూపొందించారు విజ‌య్. ఇది మూడో సినిమా. ఈ సినిమా షూట్ చాలా వరకు జ‌రిగింది. అన్నీ అనుకూలిస్తే డిసెంబర్ మూడో వారంలో విడుదల చేసే అలోచన కూడా వుంది.