తండేల్ అప్ డేట్ లు ఇక ఎప్పుడు?

చైతన్య- చందు మొండేటి కాంబినేషన్ లో గీతా సంస్థ నిర్మిస్తున్న తండేల్ సినిమా అఫీషియల్ విడుదల డేట్ ఇక మరో యాభై రోజుల దూరంలో వుంది. కానీ అసలు అ డేట్ కు వస్తుందా? రాదా అన్న క్లారిటీ లేదు. సంక్రాంతికి వస్తుంది అనే టాక్ వుంది. అది నిజమా కాదా అన్న సమాచారం లేదు.

డిసెంబర్, జనవరి డేట్ లు వదలుకుంటే కష్టం అవుతుంది. ఎందుకంటే ఫిబ్రవరి నుంచి మే వరకు ఒక్కో నెల సినిమాలతో ఫిల్ అవుతూ వస్తున్నాయి. సమ్మర్ మంచి సీజన్ అవుతుంది. కానీ అంత దూరం వరకు నెట్టేస్తారా? అన్నది అనుమానం.

డిసెంబర్ లో రావడం లేదు అన్నది పక్కాగా తెలుస్తున్న సమాచారం. ఎందుకంటే ఇంకా చాలా వరకు వుంది. రెడీ కాదు అని. పైగా పుష్ప 2 కాళ్లకు గీతా సినిమా అడ్డం పడుతుందా? సంక్రాంతికి వస్తే అటు రామ్ చరణ్ సినిమా మీద పోటీ పడినట్లు వుంటుంది. అందుకే ఈ విషయాలు తెలుసుకోవడానికి ఫ్యాన్స్ ఆతృతగా వెయిట్ చేస్తున్నారు.

ఈ రోజు రెండు సినిమా ఫంక్షన్లు జరుగుతున్నాయి. ఒకదానికి చందు మొండేటి, మరోదానికి నాగ్ చైతన్య గెస్ట్ లు గా వస్తున్నారు. సహజంగా ఫ్యాన్స్ కేరింతలు కొడతారు. సమాచారం అడుగుతారు. అక్కడకు వెళ్లిన మీడియా జనాలు కూడా ఆఫ్ ది రికార్డుగా ఎంక్వయిరీ చేస్తారు. అందువల్ల తండేల్ సంగతులు ఈ రోజు కాస్త తెలిసే అవకాశం వుంది.