Epaper
బిగ్‌బాస్ సీజ‌న్‌-4 బ్యూటీ మోనాల్ గ‌జ్జ‌ర్ భ‌లే చాన్స్ ద‌క్కించుకున్నారు. బిగ్‌బాస్ రియాల్టీ షో ఆమెకు విప‌రీత‌మైన పాపులారిటీ తీసుకొచ్చింద‌న‌డంలో అతిశ‌యోక్తి లేదు. మోనాల్ గురించి చెప్పుకోవాలంటే… బిగ్‌బాస్ రియాల్టీ షోకు ముందు, ఆ త‌ర్వాత అని మాట్లాడుకోవాల్సిన ప‌రిస్థితి. షో కంటే ముందు మోనాల్ నాలుగైదు సినిమాల్లో న‌టించిన‌ప్ప‌టికీ, పెద్ద‌గా గుర్తింపున‌కు నోచుకోలేదు.
అయితే బిగ్‌బాస్ హౌస్‌లో ప్ర‌వేశించిన ఆమె, ప్రేక్ష‌కుల అంచ‌నాల‌కు మించి చివ‌రి వ‌ర‌కూ కొన‌సాగారు. అభిజిత్‌, అఖిల్ మ‌ధ్య మోనాల్ అన్న‌ట్టు, ట్ర‌యాంగిల్ ల‌వ్ సాగించి, మొత్తానికి అంద‌రి దృష్టి త‌న‌పైనే ఉండేలా క‌థ న‌డిపారామె.
బిగ్‌బాస్ కోరు కున్న‌ది, ప్రేక్ష‌కులు ఆశిస్తున్న‌దేంటో క‌నుక్కున్న‌ట్టుగా మోనాల్ బిగ్‌బాస్ హౌస్‌లో ర‌క్తి క‌ట్టించారు. బిగ్‌బాస్ హౌస్ నుంచి బ‌య‌టికొచ్చిన మోనాల్ కెరీర్ ఒక్క‌సారిగా ద‌శ మారుతోంద‌నే చెప్పొచ్చు. ఇప్ప‌టికే ప‌లు సినిమాల్లో అవ‌కాశాలు క్యూ క‌డుతున్నాయ‌నే టాక్ వినిపిస్తోంది.
ఈ నేప‌థ్యంలో తాజాగా ఆమెకు హోస్ట్‌గా వ్య‌వ‌హ‌రించేందుకు స్టార్ మా యాజ‌మాన్యం మంచి అవ‌కాశం క‌ల్పించింది. స్టార్ మాలో రేప‌టి నుంచి ప్రసారం అయ్యే డ్యాన్స్ ప్ల‌స్ షోలో మోనాల్ పాల్గొనబోతున్నారు. ఇందుకు సంబంధించి ఓ ప్రోమోను నిర్వాహ‌కులు విడుద‌ల చేశారు.
ఈ ప్రోమోలో వ‌న్ డే టు గో అంటూ త‌న‌దైన స్టైల్‌లో మోనాల్ చెప్పి అదుర్స్ అనిపించారు. అయితే ఈ షోలో మోనాల్ మెంట‌రా? లేక జ‌డ్జిగా ఉండ‌బోతున్నారా అనేది తెలియాల్సి ఉంది.
కానీ మోనాల్ మాత్రం ఈ షోలో క్రియాశీల‌కంగా వ్య‌వ‌హ‌రించ నున్నార‌ని చెప్పొచ్చు. మొత్తానికి స్టార్‌మా యాజ‌మాన్యం మోనాల్‌పై ప్ర‌త్యేక శ్ర‌ద్ధ క‌న‌బ‌రుస్తోంద‌నే అభిప్రాయాలు వ్య‌క్త‌మ‌వుతున్నాయి.