పవన్ చేతికి నాగ అంగుళీయం

పవర్ స్టార్ పవన్ కళ్యాణ్ కు పలు నమ్మకాలు వున్నాయి. ఎవరు నమ్మకపోయినా అది నిజం. ఎప్పుడో ఆయన తన స్నేహితుడు త్రివిక్రమ్ చేతుల మీద యజ్ఞోపవీతం ధరించారని వెల్లడయింది. 

ఇప్పటికీ యజ్ఞోపవీతం ధరిస్తారనే అంటారు.అలాగే త్రివిక్రమ్ కు, ఆయనకు కామన్ గురువు వున్నారు. ఆయన భారీ హోమాలు చేస్తారని వార్తలు వున్నాయి.

ప్రస్తుత విషయానికి వస్తే, పవన్ ఈ రోజు వకీల్ సాబ్ సినిమా ప్రీ రిలీజ్ ఫంక్షన్ కు చేతికి రెండు ఉంగరాలు ధరించి వచ్చారు. ఉంగరాలు పెట్టుకోవడం పెద్ద విషయం కాదు. 

కానీ ఆ రెండు ఉంగరాల్లో ఒకటి నాగుపాము చుట్ట చుట్టుకుని, పడగ విప్పిన ఉంగరం వుంది. సాధారణంగా ఇలాంటి ఉంగరాలు ఎవరు పడితే వారు పెట్టుకోరు.

ఎవరైనా సూచించి వుండాలి. ఏదైనా రెమిడీ కోసం కావచ్చు. లేదా ఏదైనా దోషనివారణ కోసం కావచ్చు. ఇలాంటి నాగ అంగుళీయం ధరిస్తారు. మరి పవన్ ఎందుకు ధరించారన్నది ఆయనకే తెలియాలి.