కమల్ హాసన్ క్యారెక్టర్ లో షారూక్ ఖాన్

మరుగుజ్జు పాత్ర చెప్పగానే గుర్తొచ్చే పేరు కమల్ హాసన్. వెండితెరపై ఆ పాత్రకు జీవం పోశారు కమల్ హాసన్. ఇప్పుడు అదే పాత్రను షారూక్ ఖాన్ చేయబోతున్నాడు. అయితే విచిత్ర సోదరులు సినిమాలో కమల్ హాసన్ పోషించిన పాత్రకు, తాజాగా షారూక్ ఒప్పుకున్న మరుగుజ్జు పాత్రకు ఎలాంటి సంబంధం లేదు.

షారూక్ ఖాన్ హీరోగా ఈ ప్రాజెక్టు ఎనౌన్స్ చేశాడు దర్శకుడు ఆనంద్ ఎల్ రాయ్. ఇంతకుముందు ఈ డైరక్టర్ తను వెడ్స్ మను, రాంఝానా లాంటి హిట్ సినిమాలు తీశాడు. షారూక్ తో చేయబోయే సినిమాలో హీరోయిన్లుగా అనుష్క శర్మ, కత్రినాకైఫ్ ను తీసుకున్నారు.

షారూక్-అనుష్కది హిట్ పెయిర్. పైగా అనుష్కకు లైఫ్ ఇచ్చిన వ్యక్తి షారూక్. షారూక్-కత్రిన కాంబినేషన్ మాత్రం ఆ స్థాయిలో సక్సెస్ కాలేదు. తాజా ప్రాజెక్టులో అనుష్క శర్మను మెయిన్ హీరోయిన్ గా తీసుకుంటారా లేక మరోసారి కత్రిన కైఫ్ ను రిపీట్ చేస్తారా అనే విషయంపై క్లారిటీ లేదు.

చెన్నై ఎక్స్ ప్రెస్ తర్వాత మళ్లీ ఆ రేంజ్ లో కమర్షియల్ సక్సెస్ అందుకోలేకపోయాడు షారూక్ ఖాన్. క్యారెక్టర్స్ లో కొత్తదనం చూపిస్తున్నాడు కానీ, తన స్టార్ డమ్ కు తగ్గ హిట్ మాత్రం ఇవ్వలేకపోతున్నాడు.