రూ.50 ల‌క్ష‌ల డిమాండ్‌.. జ‌నసేన నేత ఆత్మ‌హ‌త్యా య‌త్నం!

తిరుప‌తిలో కార్పొరేష‌న్ టికెట్ కోసం ఎమ్మెల్యే ఆర‌ణి శ్రీ‌నివాసులు త‌న‌ను రూ.50 ల‌క్ష‌లు డిమాండ్ చేశాడ‌ని, మ‌న‌స్తాపం చెందిన క‌రడుగ‌ట్టిన జ‌న‌సేన నాయ‌కుడు రాజేష్ ఆచారి ఆత్మ‌హ‌త్యా య‌త్నం చేశారు.

పార్టీ ఆవిర్భావం నుంచి ప‌ని చేస్తున్న త‌న‌ను ప‌ట్టించుకోకపోవ‌డంపై జ‌న‌సేన నాయ‌కుడు తీవ్ర ఆవేద‌న‌కు గుర‌య్యారు. గ‌త రాత్రి ఉరివేసుకుని బ‌ల‌వ‌న్మ‌ర‌ణం చెందే ప్ర‌య‌త్నం చేశారు. అయితే చివ‌రి నిమిషంలో కుటుంబ స‌భ్యులు గ‌మ‌నించి కాపాడుకున్నారు. ఈ ఘ‌ట‌న జ‌న‌సేన‌లో క‌ల‌క‌లం రేపుతోంది.

తిరుప‌తిలో 47వ డివిజ‌న్‌లో మొట్ట‌మొద‌ట‌గా జ‌న‌సేన కార్యాల‌యాన్ని రాజేష్ ఆచారి ప్రారంభించారు. సార్వ‌త్రిక ఎన్నిక‌ల్లో జ‌న‌సేన గెలుపు కోసం ప‌ని చేశారు. ప్ర‌స్తుతం స్థానిక సంస్థ‌ల ఎన్నిక‌ల్లో భాగంగా తిరుప‌తి కార్పొరేష‌న్‌లో 47వ డివిజ‌న్ నుంచి పోటీ చేయాల‌ని భావించారు. అత‌నికి జ‌న‌సేన బీ ఫామ్ కూడా ఇచ్చారు.

అయితే క‌లెక్ట‌ర్ కార్యాల‌యంలో త‌మ అభ్య‌ర్థి అని నిర్ధారిస్తూ, పార్టీ ఎ ఫామ్ ఇవ్వాల్సి వుంటుంది. అయితే ఎమ్మెల్యే ఆర‌ణి శ్రీ‌నివాసులు ఆ పని చేయ‌లేదు. దీంతో జ‌న‌సేన అభ్య‌ర్థి రాజేష్ ఆచారికి గ‌ట్టి షాక్ త‌గిలింది.

47వ డివిజ‌న్ నుంచి టీడీపీ నేత ఆర్సీ మునికృష్ణ‌కు ఆ పార్టీ టికెట్ ఇచ్చింది. ఇందుకోసం నిఖార్సైన రాజేష్ ఆచారిని బ‌లిపెట్టార‌నేది జ‌న‌సేన శ్రేణుల ఆరోప‌ణ‌.

ఈ నేప‌థ్యంలో 47వ డివిజ‌న్ నుంచి రాజేష్ ఆచారి రెబ‌ల్‌గా బ‌రిలో దిగిన‌ట్టు తెలుస్తోంది. మ‌రోవైపు బ‌రి నుంచి త‌ప్పుకోవాల‌ని అత‌నికి బెదిరింపులు.

ఈ నేప‌థ్యంలో గ‌త రాత్రి ఇంట్లో ఉరి వేసుకునేందుకు య‌త్నించారు. కుటుంబ స‌భ్యులు గుర్తించి, అత‌న్ని కాపాడుకున్నారు.

అనంత‌రం రాజేష్ ఆచారి, ఆయ‌న స‌తీమ‌ణి మీడియాతో మాట్లాడుతూ తిరుప‌తిలో 22 మంది జ‌న‌సేన త‌ర‌పున పోటీ చేస్తున్నార‌న్నారు. కేవ‌లం న‌లుగురు మాత్ర‌మే నిజ‌మైన జ‌న‌సేన నాయ‌కులని చెప్పారు.

హ‌వాయి చెప్పులు వేసుకునే వారిని ఎమ్మెల్యేగా చేస్తాన‌ని ప‌వ‌న్‌క‌ల్యాణ్ చెప్పార‌ని గుర్తు చేశారు. హ‌వాయి చెప్పుల విలువ రూ.50 ల‌క్ష‌ల‌ని వారు ఆరోపించారు.

కార్పొరేష‌న్‌లో సీటు కోసం ఎమ్మెల్యే రూ.50 ల‌క్ష‌లు డిమాండ్ చేశార‌ని వారు ఆరోపించారు. జ‌నసేన కోసం తామెంత‌గానో న‌ష్ట‌పోయాన‌ని, చివ‌రికి రోడ్డున ప‌డేశార‌ని రాజేష్ దంప‌తులు ఆరోపించారు.