కార్తికేయ 2 ఇప్పడే కాదా?

హీరో నిఖిల్ లేటెస్ట్ సినిమా అర్జున్ సురవరం విడుదల కావాల్సి వుంది. చిన్న సమస్య కారణంగా ఆలస్యమై, ప్రస్తుతం డేట్ కోసం వెయిట్ చేస్తోంది. అయితే ఈ సినిమా ఇలావుంటే, ఆ మధ్య నిఖిల్ బర్త్ డే సందర్భంగా కార్తికేయ 2 అనౌన్స్ చేసారు. చందు మొండేటి దర్శకుడు. పీపుల్స్ మీడియా సంస్థ నిర్మాత.

అయితే ఈ సినిమా ఇప్పుడే స్టార్ట్ అయ్యే అవకాశం లేదని తెలుస్తోంది. దీనికి కారణం మరేమీకాదు. దర్శకుడు చందు ఇంకా పూర్తి స్క్రిప్ట్ నెరేషన్ ఇవ్వకపోవడమే అని తెలుస్తోంది. పీపుల్స్ మీడియాకు చందు మొండేటి ఇంకా స్క్రిప్ట్ నెరేషన్ ఇవ్వలేదని తెలుస్తోంది. జస్ట్ లైన్ మాత్రమే చెప్పారని తెలుస్తోంది.

పైగా పీపుల్స్ మీడియా కూడా, పలు ప్రాజెక్టులతో బిజీగా వుంది. ఓ బేబీ, వెంకీమామ ఇలా వరుస విడుదలలు వున్నాయి. అందువల్ల నిఖిల్ -చందు మొండేటి సినిమా సెట్ మీదకు వెళ్లడానికి కొంచెం సమయం పడుతుందని బోగట్టా. చందుమొండేటి సవ్యసాచి (నవంబర్ 2018) తరువాత చేస్తున్న సినిమా ఇదే. 

ఆత్మవిమర్శ అవసరం.. టీడీపీ ఇంకా ఆ భ్రమల్లోనే ఉంది!