Epaper
ఎన్టీఆర్, ప్రశాంత్ నీల్ కాంబినేషన్ లో వస్తున్న సినిమా ‘డ్రాగన్’. ఈ సినిమా సెట్స్ పైకి తారక్ ఎప్పుడొస్తాడనే విషయాన్ని ఈమధ్య ప్రకటించారు. అలా ప్రకటించడమే తప్పయింది. ఫ్యాన్స్ ఇప్పుడు కొత్త డిమాండ్స్ తో ముందుకొచ్చారు.
22వ తేదీ నుంచి సెట్స్ పైకి రాబోతున్నాడు ఎన్టీఆర్. అప్పటికి అటుఇటుగా నెల రోజుల్లో ఎన్టీఆర్ పుట్టినరోజు రాబోతోంది. కాబట్టి తారక్ బర్త్ డేకు తమకు డ్రాగన్ గ్లింప్స్ కావాలనేది ఫ్యాన్స్ డిమాండ్. ప్రాక్టికల్ గా అది సాధ్యమే అని కూడా చెబుతున్నారు.
గతంలో పవన్ కల్యాణ్ తో హరీశ్ శంకర్ కేవలం వారం రోజులు మాత్రమే షూటింగ్ చేశాడు. కానీ కావాల్సినంత స్టఫ్ విడుదల చేశాడు. ఇక రీసెంట్ గా బుచ్చిబాబు కూడా రామ్ చరణ్ తో కొంచెం షూటింగ్ మాత్రమే చేసి, పెద్ది గ్లింప్స్ రిలీజ్ చేశాడు.
ఇదే స్ట్రాటజీని ప్రశాంత్ నీల్ కూడా ఫాలో అవ్వాలని కోరుతున్నారు ఎన్టీఆర్ ఫ్యాన్స్. ఈ సినిమాకు తారక్ ఏకంగా 20 రోజుల కాల్షీట్లు ఇచ్చాడు. పైగా ఫస్ట్ షెడ్యూల్ లోనే యాక్షన్ ఎపిసోడ్స్ తీస్తున్నారు.
కాబట్టి తమకు కేవలం టైటిల్ కాకుండా, గ్లింప్స్ కూడా కావాలని డిమాండ్ చేస్తున్నాడు ఎన్టీఆర్ ఫ్యాన్స్. టైటిల్ ఏంటనేది తెలిసిపోయింది కాబట్టి గ్లింప్స్ రిలీజ్ చేయడమే కరెక్ట్. మరి నీల్ ఏం ప్లాన్ చేశాడో..!