‘రేయ్’ కొంటున్నారట

మెగా క్యాంప్ నుంచి వచ్చిన మరో హీరో సాయి ధరమ్ తేజ. చిరు, పవన్, బన్నీ, చరణ్ తరువాత మరో ఇద్దరు వచ్చినా పెద్దగా విజయాలు సాధించలేకపోయారు. వెంకట్ రాహుల్ (అలియాస్ జానకి) ఒక్క సినిమాతో కనుమరుగయ్యాడు. అల్లు శిరీష్ స్వంత సినిమాలతో కిందామీదా కృషి చేస్తున్నాడు. 

అయితే సాయి ధరమ్ తేజకు మాత్రం మొదటి సినిమా విడుదల కాకున్నా, రెండో సినిమా వచ్చేసింది. మూడో సినిమా షూటింగ్ కు రెడీ అవుతోంది. ఆర్థిక ఒడిదుడుకులతో ఆగిపోయిన మొదటి సినిమాను కాస్త ముందుకు నెడుతోంది రెండో సినిమా. 

పిల్లా నువ్వులేని జీవితం విడుదలై పాజిటివ్ టాక్ తెచ్చుకోవడం, కలెక్షన్లు బాగానే వుండడంతో, ఇప్పుడు అందరి దృష్టి మొదటి సినిమా రేయ్ మీద పడింది. వైవిఎస్ చౌదరి దర్శక నిర్మాణంలో తయారైన ఈ సినిమాను ఇప్పుడు కొంతమంది బయ్యర్లు అడుగుతున్నట్లు తెలిసింది. కాస్త అడ్వాన్స్ లు ఇచ్చి ఆడించేందుకు రెడీ అంటున్నట్లు తెలుస్తోంది. 

ఇప్పటికే రెండు ఏరియాలకు చౌదరి ఓకె అన్నట్లు తెలుస్తోంది. మరి కొన్ని ఏరియాలు కూడా ఓకె అయితే సినిమా విడుదలకు మార్గం సుగమం అయినట్లే.