చరణ్ గ్లింప్స్ విడుదలకు సమస్య!

రామ్ చరణ్ ఫ్యాన్స్ ఆశగా, ఆతృతగా ఎదురు చూస్తున్న సినిమా ఒకటి వుంది. పెద్ది అనే వర్కింగ్ టైటిల్ లో వచ్చే ఈ స్పోర్ట్స్ డ్రామా ఎప్పుడు తెరమీదకు వస్తుందా అని ఫ్యాన్స్ చాలా ఆతృతగా ఎదురుచూస్తున్నారు.

రామ్ చరణ్ బర్త్ డే సందర్భంగా గ్లింప్స్ విడుదల చేస్తారు. టైటిల్ అనౌన్స్ చేస్తారు అని ఆశగా ఎదురుచూస్తున్నారు. కానీ వచ్చే సూచనలు కనిపించడం లేదు. గ్లింప్స్ కట్ చేయడం పెద్ద సమస్య కాదు దర్శకుడు బుచ్చిబాబుకు. ఆ మేరకు వర్క్ చేసారు. కానీ దానికి అద్భుతమైన బ్యాక్ గ్రవుండ్ స్కోర్ కావాలి. ఈ రోజుల్లో అదే అసలు కీలకం.

కానీ సంగీత దర్శకుడు రెహమాన్ ప్రస్తుతం బెడ్ రెస్ట్ లో వున్నారు. కొన్ని రోజులు క్రితం లైట్ గా స్ట్రోక్ వచ్చి ఆసుపత్రిలో చేరారు. ఆరోగ్యంగా డిశ్చార్జి కూడా అయ్యారు. కానీ ప్రస్తుతం స్ట్రెయిన్ తీసుకుని వర్క్ చేసే పరిస్థితిలో లేరు. రెస్ట్ లో వున్నారు. అందువల్ల ఇప్పుడు గ్లింప్స్ విడుదల చేయాలన్నా కూడా సమస్య అవుతుంది. అందుకే ప్రస్తుతానికి గ్లింప్స్ విడుదల ను వాయిదా వేస్తు్నట్లు తెలుస్తోంది.

వీలయినంత ఫాస్ట్ గా సినిమాను చిత్రీకరిస్తున్నారు. మైసూరు పరిసర ప్రాంతంలో, హైదరాబాద్ సిటీలో కొంత వర్క్ జరిగింది.