మరో రిలీజ్ డేట్ చెప్పిన నితిన్

ఈ ఏడాది ఎలాగైనా 3 సినిమాలు రిలీజ్ చేయాలని టార్గెట్ గా పెట్టుకున్నాడు నితిన్. అతడి నుంచి 4 సినిమాలొచ్చినా ఆశ్చర్యపోనక్కర్లేదంటారు కొందరు. ఆ సంగతి పక్కనపెడితే.. 3 సినిమాలకు సంబంధించి ఆల్రెడీ డేట్స్ ఇచ్చేశాడు ఈ హీరో.

అతడు నటించిన చెక్ సినిమా రిలీజ్ కు రెడీ అయింది. వచ్చే వారం థియేటర్లలోకి రాబోతోంది. ఆ తర్వాత కొన్నాళ్లకు రంగ్ దే రాబోతోంది. మార్చి నెలాఖర్లో ఈ సినిమాను రిలీజ్ చేస్తామని గతంలో ప్రకటించారు. ఇప్పుడు వీటికి అదనంగా మరో సినిమా రిలీజ్ డేట్ కూడా ప్రకటించాడు ఈ హీరో.

మేర్లపాక గాంధీ దర్శకత్వంలో చేస్తున్న సినిమాను జూన్ 11న రిలీజ్ చేయబోతున్నట్టు ప్రకటించారు. బాలీవుడ్ లో హిట్టయిన అంధాధూన్ సినిమాకు రీమేక్ గా ఈ సినిమా వస్తోంది. తెలుగులో ఇంకా పేరు పెట్టలేదు. కాకపోతే ప్రస్తుతం నడుస్తున్న ట్రెండ్ కు తగ్గట్టు రిలీజ్ డేట్ మాత్రం ప్రకటించేశారు.

ఆయుష్మాన్ ఖురానా పోషించిన ''అంధ కీబోర్డ్ ప్లేయర్'' పాత్రను నితిన్ పోషిస్తున్నాడు. రాధికే ఆప్టే పాత్రలో నభా నటేష్ కనిపించనుంది. ఇక అత్యంత కీలకమైన టబు పాత్ర కోసం చాలామంది పేర్లను పరిశీలించి, ఫైనల్ గా తమన్నాను ఫిక్స్ చేశారు. 

నితిన్ సొంత బ్యానర్ పై వస్తున్న సినిమా ఇది. ఇలా ఈ ఏడాది ప్రధమార్థంలోనే నితిన్ నుంచి 3 సినిమాలు రాబోతున్నాయి.